________________
જૈન સમાજનો પાયો મજબૂત કરનાર, અનેક સંસ્થાઓના પ્રેરક, ગુરુ વલ્લભના બાગને સીંચનાર મમતામૂર્તિ મહત્તરા મૃગાવતીજી મહારાજના જવાથી મન શૂન્ય બની ગયું છે.
એમનું ધ્યેય હતું વલ્લભ સ્મારક અનન્ય બને. પોતાનું સર્વસ્વ એની પાછળ લગાડી દીધું. એમના મોંમાંથી જે વચનો બહાર પડે તે પૂર્ણ થઈ જતાં. જયાં જયાં તેઓ ગયાં ત્યાંના મહિલા મંડળોને જાગૃત કરી દીધાં. એમનો વિચાર હતો કે, ભાવિ સંતાનને આધ્યાત્મિક બનાવવા માતા શિક્ષિત અને ધર્મપરાયણ હોવી જોઇએ. શ્રી આત્મવલ્લભ જૈન મહિલા મંડળ અંબાલાની સ્થાપના માટે એમણે પ્રેરણા આપી હતી.
મધુર વાણી, હસતો ચહેરો, મુખ પરનું તેજ આ બધું સૌને આકર્ષી લેતું હતું. તેઓ ગુણની ખાણ હતાં. પ્રભુ એમના આત્માને શાંતિ આપે અને સાધ્વીગણને તથા જૈન સમાજને એ વિયોગ સહન કરવાની શકિત આપે. ]
શ્રીમતી શિમલા જૈન|
(અંબાલા)
ગુરુ વલ્લભે મૃગાવતીજીના રૂપમાં આપણને એક જયોતિ આપી. મેં ગુર વલ્લભને નથી જોયા, પરંતુ એમના વિશે વડીલો પાસેથી વાતો સાંભળી છે અને પુસ્તકોમાં તે વાંચી છે, મૃગાવતીજી જયારે વ્યાખ્યાન આપતાં ત્યારે એવો અનુભવ થતો કે જાણે ગુર વલ્લભનું એ રૂપ આપણી સમક્ષ છે. તેજસ્વી મુખ, વિલક્ષણ બુધ્ધિ, મમતાપૂર્ણ હૃદય, દયાદ્રવિત-મન અને બીજાનાં દુ:ખ જોઈ ઊભરાઇ જતી આંખોએ રૂપ હવે કયાં જોવા મળશે? જયારે ક્રોધ, માન, માયા જેવા કષયોનો ત્યાગ કરી આપણે એકતા સાધીશું ત્યારે મહત્તરાજીને સાચી શ્રધ્ધાંજલિ આપી કહેવાશે.
નીલમ જૈન
પૂજય સાધ્વી શ્રી મૃગાવતીજીના દેહાવસાનથી સૌએ દુઃખનો અનુભવ કર્યો છે. વલ્લભ સ્મારકની નોંધ ભારતીય ઇતિહાસમાં સાંસ્કૃતિક વારસા તરીકે સુવર્ણાક્ષરે લેવાશે. અરિહંત દેવને પ્રાર્થના કરીએ છીએ કે એમના પવિત્ર આત્માને ચિર શાંતિ આપો.
સુશીલકુમાર જૈન મહાવીર ઈન્ટરનેશનલ (દિલ્હી)
મહત્તરા શ્રી મૃગાવતીશ્રીજી
૧૧૯
