________________
મહત્તરા સાધ્વીશ્રી મૃગાવતીજી મહારાજના દેવલોકગમન નિમિત્તે અહીં એક સભાનું આયોજન કરવામાં આવ્યું હતું. જેમાં નવકારમંત્રનો જાપ કરવામાં આવ્યો અને શ્રીસંઘના નેતાગણે દિવંગત આત્માને શ્રદ્ધાંજલિ અર્પિત કરી. શ્રેષ્ઠિયવર્ય શ્રી મનસુખલાલ દોશી તરફથી અંતરાય કર્મની પૂજા ભણાવવામાં આવી હતી.
વિદુષી સાધ્વીશ્રી સુવ્રતાશ્રીજી આદિ ઠાણાને અમારા તરફથી સાંત્વના આપજો. ધૈર્ય ધારણ કરવા સિવાય કોઈ માર્ગ નથી.
મહત્તરાજીના સ્વર્ગવાસથી સમસ્ત સંઘને એક ન પુરાય એવી ખોટ પડી છે. મહારાજીએ બાલવયમાં દીક્ષા લઇ જે રીતે સંયમ, સાધના, સમાજ સેવા સંઘોન્નતિ અને વલ્લભ સ્મારક જેવી આંતરરાષ્ટ્રીય યોજનામાં જે સમર્પણભાવથી કાર્ય કર્યું છે તે પ્રશંસનીય અને અનુમોદનીય છે.
|_| આચાર્ય વિજય જનકચન્દ્રસૂરિજી મહારાજ
પુણે (મહારાષ્ટ્ર)
- તમને કયા શબ્દોમાં સાંત્વના આપું! મૃગાવતીજી મહારાજ સાહેબ કેવળ તમારાં જ નહિ, પરંતુ સમસ્ત જૈન સમાજના પ્રાણ હતાં. એમના જવાથી તમે જ અનાથ નથી થયાં. ખરેખર તો આપણે સૌ અનાથતાનો અનુભવ કરીએ છીએ.
અમે એક દિવસ વલ્લભ સ્મારક પરે રોકાયાં હતાં એ બનાવ જીવનભર અવિસ્મરણીય બની રહેશે. એમણે કેટલો સ્નેહ અને કેટલી મમતા અમારા પ્રત્યે બતાવ્યાં હતા! માતા પોતાની દીકરીને કદાચ આટલો પ્રેમ નથી આપી શકતી! એમણે મને તો પોતાની નાની બહેન માની હતી. * જિનશાસનનું અણમોલ ઘરેણું છિનવાઈ ગયું છે. આજે આપણે કંગાળ થઈ ગયાં છીએ. મહાસતીજી મહારાજની મંજુલ મૂર્તિ રહી રહીને મનમાં ઝબકી જાય છે. અતીતના ઊંડાણમાં ડૂબકી મારતાં ખ્યાલ આવે છે કે, આચાર્ય દેવનાં ચરણોમાં પૂજ્ય ગુરુણીજીને બેઠેલાં જોઉં છું. શું એમની નમતા! શું એમની જિજ્ઞાસા! શું એમની નિર્ભીકતા! બધું આજે યાદ આવે છે. આજે આપણી પાસે એમના આદર્શ મોજુદ છે જે સદાય આપણને માર્ગદર્શન આપ્યા કરશે.
T સાધ્વીશ્રી મહેન્દ્રાથી મરજ
૧૧૦
મહત્તરા શ્રી મગાવતીશ્રીજી
