Page Text
________________
મહાન તીર્થોધ્ધારિકા
શાંતિલાલ નાહર
લુધિયાણા મહાનગર જૈનોમાં જૈન નગરીના નામે પ્રસિધ્ધ છે. લુધિયાણાના સંધે પૂજય મૃગાવતીજી મહારાજની પ્રેરણાથી આત્મ-વલ્લભ એ બે ગુરુવરોની યાદમાં જૈન હાયર સેકન્ડરી સ્કૂલ શરૂ કરવાનો નિર્ણય કર્યો. જૈન-જૈનેતર સેંકડો શ્રદ્ધાળુ ભાઇઓએ ધનનો વરસાદ વરસાવી દીધો. આજે એ સરસ્વતી મંદિર જૈન શાસનની ગૌરવશાળી સંસ્થા તરીકે શોભાયમાન છે. લુધિયાણામાં મહત્તરાજીની એ પ્રથમ મહત્ત્વપૂર્ણ સફળતા હતી.
- જીરાની પાસે લહેરા ગામ ગુરુ વલ્લભના આરાધ્ય ગુરુદેવ શ્રી વિજયાનંદસૂરિજી મહારાજની જન્મભૂમિનું ગામ છે. એ મહાન જૈનાચાર્ય ગુરુદેવની પાવન સ્મૃતિમાં મૃગાવતીજીએ જે આહ્વાન આપ્યું તેનો સંઘે સહર્ષ સ્વીકાર કર્યો. આ તીર્થભૂમિ ઉપર ગુરુ આત્મારામજીની અનુપમ યાદ રૂપે, “વિશાલ આત્મખંભ” ની રચના થતાં ગામની અપૂર્વ શોભા બની ગયેલ છે. દર વર્ષે સેંકડો શ્રદ્ધાળુઓ ગુરૂધામની યાત્રાએ આવે છે.
સરહિંદ પંજાબની પ્રાચીન ઐતિહાસિક વીરભૂમિ છે. ગુરુ ગોવિંદસિંહના બે વીર બાળકોનું બલિદાન અહીં જ આપવામાં આવ્યું હતું. બાળકોને દીવાલમાં ચણી દીધા હતા. એ વીર ભૂમિ ઉપર આપણાં શાસનદેવી ચક્રેશ્વરી દેવીનું પ્રાચીન, ચમત્કારી, ઐતિહાસિક મંદિર આવેલું છે. આ આઠસો વર્ષ પ્રાચીન તીર્થસ્થાન પર મૃગાવતીજી એક વખત પધાર્યા હતાં. થોડા સમય પહેલાં આતંકવાદીઓ આ મંદિરના આભૂષણ ચોરી ગયા હતા. આ સ્થળ સુરક્ષિત ન હતું. કાર્યકર્તાઓએ ના પાડી છતાં નીડર મહારાજશ્રી પોતાની શિષ્યાઓ સાથે ત્રણ દિવસ ત્યાં રોકાયાં. એક રાતે ખૂબ વરસાદ પડ્યો. વીજળી જતી રહી. બધા યાત્રાળુઓ ભયભીત બની ગયા. પરંતુ મહારાજી હસતાં-હસતાં સૌનો ઉત્સાહ વધારી રહ્યાં હતાં. થોડી વારમાં વાતાવરણ શાંત થઈ ગયું. - ગુરુ વલ્લભના પ્રિય પટ્ટધર, રાષ્ટ્રીય સંત, પરમ ગુરુ ભક્ત જૈનાચાર્ય શ્રી વિજયસમુદ્રસૂરિજી મહારાજની હાર્દિક શુભેચ્છાઓને માન આપી મૃગાવતીજીએ ચક્રેશ્વરી દેવીની આ તીર્થભૂમિ પર ભગવાન આદિનાથના મંદિરના નિર્માણ માટે પ્રેરણા આપી. કાર્યકર્તાઓની વિનંતીને માન આપી અમૃત કુંડમાં મગાવતીજીએ વાસક્ષેપ નાખ્યો. એમના આશીર્વાદથી આજે એ મંદિર અનુપમ રીતે શોભી રહ્યું છે.
હિમાચલ પ્રદેશના નગરકોટના પ્રાચીન કિલ્લામાં કટૌચવંશીય મહારાજા સુશર્મચન્દ્ર દ્વારા પાંડવ સમયમાં ભગવાન આદિનાથનું મંદિર બનાવવામાં આવ્યું હતું. “વિજ્ઞપ્તિ ત્રિવણિ’ નામનો આ તીર્થ સંબંધી પત્ર વાંચી વિજયવલ્લભસૂરિજી મહારાજે આ લુપ્ત પ્રાય: તીર્થ શોધી કાઢયું હતું. મુગાવતીજીએ કાંગડાના આ ઐતિહાસિક મંદિરનો ઉધ્ધાર કર્યો. આવા મહાન તીર્થોધ્ધારિકા શ્રી મૃગાવતીજીને કોટિ કોટિ વંદના. '
મહત્તરા શ્રી મગાવતીશ્રીજી
| SR No. | 012083 |
| Book Title | Mahattara Shree Mrugavatishreeji |
| Original Sutra Author | N/A |
| Author | Ramanlal C Shah and Others |
| Publisher | Vallabhsuri Smarak Nidhi |
| Publication Year | 1989 |
| Total Pages | 198 |
| Language | Gujarati, Hindi, Sanskrit |
| Classification | Smruti_Granth |
| File Size | 5 MB |