________________
૭૮
શ્રી મૃગાવતીજી મહારાજ
નાજરચંદ જૈન
શ્રી શીલવતીજી અને શ્રી મૃગાવતીજીનું ચાતુર્માસ આગરામાં શેઠ લાભચંદજીના ઘરની પાસે રોશન મહોલ્લામાં થયું હતું. ત્યારે મૃગાવતીજીનો કોયલ જેવો અવાજ, અદ્ભુત રૂપ અને તેજસ્વિતાથી સૌ દર્શકો-શ્રોતાઓ જોતા જ રહી જતા. આગરાથી તેમણે સીધા કલકત્તા વિહાર કર્યો અને સર્વધર્મ કોન્ફરન્સમાં ભાગ લીધો. પોતાની વાણીથી જનગણના મનના અધિનાયક બની ગયાં.
ગુરુવલ્લભ એવા ઝવેરી પારખુ હતા કે, એમણે આ ઝવેરાતને પારખી લીધા. ગુરુ વલ્લભે એમને પંજાબ પધારવાનો આદેશ આપ્યો.
લુધિયાણા પહોંચી સર્વ પ્રથમ સ્થાનકવાસી આચાર્ય શ્રી આત્મારામજી મહારાજના આશીર્વાદ લીધા.
બેંગલોર અને મૈસૂરમાં તો વિહાર દરમ્યાન ભારે ધર્મપ્રભાવના થઇ. તમિળનાડુમાં પ્રો. સુબ્રહ્મણ્યમ્ દર્શને પધાર્યા અને ખૂબ ખુશી વ્યક્ત કરી. ઇંડિયન એક્સપ્રેસ અખબારે એમને પ્રેમ અને શાંતિના દૂત તરીકે બિરદાવ્યાં.
ચંડ઼ીગઢમાં દિગમ્બર જૈન મંદિરમાં ચાતુર્માસ કર્યું. શ્રી લક્ષ્મીનારાયણ મંદિરમાં એક સુંદર વ્યાખ્યાન પ્રવચન આપતાં કહ્યું, મંદિર અને તીર્થ કોમની જાન છે.
મૃગાવતીજીએ હૃદયની વિશાળતાથી કહ્યું હતું, “મેં સહેતુ શ્રી દિગંબર મંદિરમાં ચાતુર્માસ કર્યું છે. હું બધાંને એક સરખા સમજું છું. અમે આ અગાઉ મુંબઇમાં સ્થાનકમાં ચાતુર્માસ કર્યું હતું.’ મૃગાવતીજી સમસ્ત કોમનાં જાન, આન, શાન અને માન રૂપ હતાં.
મહત્તરા શ્રી મૃગાવતીશ્રીજી
