________________
गणिनी आर्यिकारत्न श्री ज्ञानमती अभिवन्दन ग्रन्थ
[३०३
"ब्राह्मीव सुस्थिरमतिः सुभगा कुमारी"
- रचयिता- श्री पं० जगन्नारायण पाण्डेयः,
रीडर, केन्द्रीय सं० विद्यापीठ, जयपुर
वसन्ततिलका छन्द -
देवालयेषु विदिता भवनेषु माता,
लक्ष्मीश्च या समरमूर्धनि सैव भाग्यात् । ज्ञानेच्छयोर्दढ़तया कथिता मुनीन्द्र -
ज्ञानस्य मूर्तिरथ वीरमतीतिदेशे ॥ १
॥
अनुष्टुप् -
नारीयमबला लोके मुग्धैरेव प्रकल्पिता ।
वज्रसारमयी शक्तिः काचिदीशस्य शाश्वती ॥ २ ॥
वसन्ततिलका -
प्रायेष विंशतितमे शतके मुनीनां,
ह्रासोन्मुखीं समवलोक्य परम्परां स्वाम् । उद्धर्तुमायतत वृत्तसुचक्रवर्ती,
श्रीशान्तिसागरमुनिः प्रथमो मनीषी ॥ ३ ॥ तां रक्षितुं सुमनासाऽऽहतचन्दना सा,
ब्राह्मीवगुस्थिरमतिः सुभगा कुमारी । ज्ञानश्रिया समुदिता मुदिता स्वकार्ये,
___ संसाधितार्थनियमा किल तत्पराऽभूत् ॥ ४ ॥
इन्द्रवज्रा -
भूरत्नभक्तीश्वर विक्रमाब्दे,
रात्रौ तिथावाश्विन-पूर्णिमायाम् । श्रीश्रेष्ठिनो धर्मरतस्य छोटे -
लालस्य गेहेऽजनि बालिकेयम् ॥ ५ ॥
उपजाति -
तज्जन्मना सर्वदिशः प्रसन्नाः, समुद्गतो व्योम्नि च पूर्णचन्द्रः ।। हर्षप्रकर्षो नहि गेय एव, दृष्टः समस्ते नगरेऽपि सर्वैः ॥ ६ ॥
वसन्ततिलका
सौम्याकृति स्फुरितचारुमतिं च कन्यां,
मैनःस्पृशेद् भुवि कदाचिदितीव बुद्ध्या । मातामहेन सुविचार्य शुभे मुहूर्ते,
मैनेति नाम ललितं कलितं यथार्थम् ॥ ७ ॥ मातुर्विलोक्य सदने सहजा प्रवृत्तिं,
पूर्वानुरक्तिमथ शाश्वतजैनधर्मे । पित्रोःसदा नयनयोर्मदुतारिकेयम्,
मैनाऽप्यनन्यहृदयाऽभवदात्मधर्मे ॥ ८ ॥
१. विक्रम संवत् १९९१
Jain Educationa international
For Personal and Private Use Only
www.jainelibrary.org
