________________
(19) अण्णइयतणउं तणुरुहु पसत्थु । हत्थिवदाणोल्लियदीहहत्थु । महमत्तवंसघयवड्डु गहीरु । लक्खणलक्खाफियवरसरीरु ॥ १७ ॥ दुव्वसण-सीह-संघाय-सरहु । णवियाणहि किं णामेण भरहु ।
॥ पत्ता॥ आउ जाहुंतहो मंदिरु, णय णाणंदिरु, सुकइकइत्तणु जाणइं। सो गुणगणतत्तिल्लउ, तिहुआणिभल्लउ, णिच्छउ पइं सम्माणइं॥ १८॥ जो विहिणा जिम्मउं यत्वापिंड । तंणिसुणे विसो संचलिउ खंड्ड । आवंतु दिठ भरहेण केम । वाईसरिसरिकल्लोलु जम ॥ १९ ॥ पुणु तासु तेण विरइउ पहाणु । घरु आयहो अब्भागयविहाणु । संभासणु पियवयणेहिं रम्मु । णि मुक्कडंभु णं परमधम्मु ॥ २० ॥ तुहुं आयउ णं गुणमणि णिहाणु । तुहं आयउ णं पंकयहो भाणु । पुणु एम भणेप्पिणु मणहराइं । पहखीणरीणतणुसुहयराइं ॥ २१ ॥ वरण्हाणविलेवणभूसणाई । दिण्णइं देवंगइणिवसणाई । अच्चतरसालई भोयणाई । गलियाई जाम कइवय दिणाई ॥ २२ ॥ देवीसएण कइ भणिउं ताम । भोपुम्फयंत ससिलिहियणाम । णियसिरिविसेसणिज्जियसुरिंदु । गिरिधीरु वीरु भइरवणरिंदु ॥ २३ ॥ पइमण्णिउं वण्णिउं वीरराउ । उप्पणउं जो मिच्छत्तभाउ । पच्छित्तु तासुजइ करहि अज्ज । ता घडइ तुज्झु परलोयकजु ॥२४॥ तुहुँ देउ कोवि भव्वयणबंधु । पुरुएवचरियभारस्स खंधु । अब्भत्थिओसि देदोह तेम । णिविग्घे लहु णिव्वहइजेम ॥ २५ ॥
॥घत्ता ॥ अइललियएं गंभीरएं सालंकारएं वायएं ता किं किज्जइ । जइ कुसुमसरवियारउ अरुहु भडारउ सब्भावेण थुणिज्जइ ॥ २६ ॥ सियदंतपंतिधवल कयासु । ताजंपइ दरवायाविलासु । भो देवीणंदण जयसिरीह । किं किज्जइ कव्वु सुपुरिससीह ॥ २७ ॥ गोवजिएहिं णं घणदिणेहिं । सुरवरचावहिं वणिग्गुणेहिं । मइलियचित्तहिं णं जरघरहिं । छिद्दण्णे सिहिं णं विसहरेहिं ॥ २८ ॥ जडवाइएहिं णं गय सेहिं । दोसा यरेहिं णं रक्खसेहिं । आचक्खिय परपुट्ठीपलेहिं । वरकइ जिंदिज्जइ यखलेहिं ॥ २९ ॥ जो बालबुडसंतोसहेउ । रामाहिरामु लक्खणसमेउ । जो सुम्मई कइवइ विहियसेउ । तासु वि दुजणु किं परेम होउ ॥३०॥
