________________
211
No I. SANGHAVI Pipi End:सिरिवद्धमाणतित्थे जंबू-पभवाइमुणिगणिंदेसु । सुठिय-सुप्पडिबद्धा गएसु सूरी समुप्पन्ना ॥ ३० ॥ तत्तो कोडियगच्छो गुच्छो विव विविहदी हसाहालो । आबालपयडमहिमा खमाइ सुपरिट्ठिओ जाओ ॥ ३१ ।। गच्छंमि तंमि चउरो दीहरवित्थारफुरियसाहाओ । साहाउ अगाहाओ चउदिसिपसरंतमहिमाओ ॥ ३२ ॥ उच्चानागरि-विजाहरा य वइरा य मज्झिमल्ला य । एयासिए(प)साहाणं को जाणइ सवनामाणि ? ॥ ३३ ॥ विजाहरसाहाए गुच्छा गुच्छ व सुमणमणहरणा । जालिहर-कासहरया मुणिमहुअरपरि[गया] दुन्नि ॥ ३४ ॥ सिरिजालिहरो गच्छो विजयओ(उ) गयणं व जत्थ मुणिनाहो । अहमहमगाइ बहवे पियंति सिद्धंतसरिनाहं ।। ३५ ॥ जाओ तारयराइरेहिरतले गच्छंमि वोमंगणे
धम्मज्झाणमणीनिहाणकलसो सो बालचंदो मुणी । अप्पं कम्ममलीमसं पडिदिणं सोहंतओ जो सया
उद्धटेहि उवासएहिं अमले तेवे तवं दुत्तवं ।। ३६ ॥ सीसा तस्स जयंतु सकसरिसा मोहं महापवयं
तिक्खेणं चरणेण घोरपविणा चुन्नं कुणंता सया । लोयाणं गुणभद्दसूरि गुरुणो सारस्सयं सव्वया
जच्छंता अमयं सुहम्मनिरया चित्तं खमाए विया ॥ ३७॥ तेसिं पट्टपओनिहिम्मि कमलाबंधू मणी निम्मलो
सव्वाणंदगुरू असेसजुगई जंघालकित्तीभरो। जं काउं हियइकबद्धवसहिं संतो समंता सिरी
पव्भारं पुरिसुत्तमत्तमहुणा के के न पत्ता मया ? ॥ ३८ ॥ वयणाउ जस्स निग्गयमणेयविबुहाण विहियमणहरिसं । . अमयं व सायराओ चरियं सिरिपाससामिस्स ॥ ३९ ॥ सिरिधम्मघोसपहुणो अकलंकससंकसरिसमाहप्पा । सीसा तस्स अदोसा कोसा नाणे(गा)इरयणाणं ॥ ४० ॥ रेणुकरेणुन्हाया जलिं(लं)जलिं जत्थ दिति दुक्खाणं । तं ताण चरणकमलं अउव्वतित्थं सया सरिमो ॥ ४१ ॥
