________________
३ प्रतिपत्तौ मनुष्या. धि० उद्देशः१ सू०१११
चया अचंडाविडिमंतरपरिवसणा जहिच्छियकामगामिणो य ते मणुयगणा पण्णत्ता समणाउसो।। तेसि णं भंते! मणुयाणं केवतिकालस्स आहारट्टे समुप्पज्जति?, गोयमा! चउत्थभत्तस्स आहारट्टे समुप्पज्जति, एगोरुयमणुईणं भंते! केरिसए आगारभावपडोयारे पण्णते?, गोयमा! ताओणं मणुईओ सुजायसव्वंगसुंदरीओ पहाणमहिलागुणेहिं जुत्ता अचंतविसप्पमाणपउमसूमालकुम्मसंठितविसिट्ठचलणाओ जुम्मिओ पीवरनिरंतरपुट्ठसाहितंगुलीता उण्णयरतियनलिणंव सुइणिद्धणखा रोमरहियवद्दलट्ठसंठियअजहण्णपसत्यलक्खणअकोप्पजंघजुयला सुणिम्मियसुगूढजाणुमंडलसुबदसंधी कयलिक्खंभातिरेगसंठियणिव्वणसुकुमालमउयकोमलअविरलसमसहितसुजातवदृपीवरणिरंतरोरू अट्ठावयवीचीपदृसंठियपसत्थविच्छिन्नपिहलसोणी वदणायामप्पमाणदुगुणितविसालमंसलसुयद्धजहणवरधारणीतो वज्जविराइयपसत्थलक्खणणिरोदरा तिवलिवलीयतणुणमियमज्झितातो उजुयसमसहितजच्चतणुकसिणणिद्धआदेजलडहसुविभत्तसुजातकंतसोभतरुइलरमणिजरोमराई गंगावत्तपदाहिणावत्ततरंगभंगुररविकिरणतरुणबोधितअकोसायंतपउमवणगंभीरवियडणाभी अणुन्भडपसत्थपीणकुच्छी सण्णयपासा संगयपासा सुजायपासा मितमातियपीणरइयपासा अकरंडयकणगरुयगनिम्मलसुजायणिरुवहयगातलट्ठी कंचणकलससमपमाणसमसहितसुजातलहचूचुयआमेलगजमलजुगलवद्दियअन्भुण्णयरतियसंठियपयोधराओ भुयंगणु
॥१४९॥
