________________
श्रीजीवाजीवाभि. मलयगिरीयावृत्तिः
र जीवाजी
वाभि० प्रतिपत्तिः
॥११॥
वेयणासमुग्घाते कसायसमुग्घाए मारणंतियसमुग्घाए ॥ ते णं भंते ! जीवा किं सन्नी असन्नी ?, गोयमा! नो सन्नी असन्नी ॥ तेणं भंते ! जीवा किं इत्थिवेया पुरिसवेया णपुंसगवेया ?, गोयमा! णो इत्थिवेया णो पुरिसवेया णपुंसगवेया ॥ तेसि णं भंते! जीवाणं कति पज्जत्तीओ पण्णताओ?, गोयमा! चत्तारि पज्जत्तीओ पण्णत्ताओ, तंजहा-आहारपजत्ती सरीरपज्जत्ती इंदियपज्जत्ती आणपाणुपज्जत्ती। तेसि णं भंते ! जीवाणं कति अपज्जत्तीओ पण्णत्ताओ?, गोयमा! चत्तारि अपज्जत्तीओ पण्णत्ताओ, तंजहा-आहारअपजत्ती जाव आणापाणुअपज्जत्ती ॥ तेणं भंते ! जीवा किं सम्मदिट्ठी मिच्छादिट्ठी सम्मामिच्छादिट्टी?, गोयमा! णो सम्मदिट्टी मिच्छादिट्ठी नो सम्ममिच्छादिट्ठी॥ ते णं भंते ! जीवा किं चक्खुदंसणी अचकखुदंसणी ओहिदसणी केवलदंसणी ?, गोयमा! नो चक्खुदंसणी अचक्खुदंसणी नो ओहिदसणी नो केवलदसणी ॥ तेणं भंते ! जीवा किं नाणी अण्णाणी?, गोयमा! नो नाणी अण्णाणी, नियमा दुअण्णाणी, तंजहा-मतिअन्नाणी सुयअण्णाणी य॥ तेणं भंते! जीवा किं मणजोगी वयजोगी कायजोगी?, गोयमा ! नो मणजोगी नो वयजोगी कायजोगी ॥ तेणं भंते ! जीवा किं सागारोवउत्ता अणागारोवउत्ता?, गोयमा! सागारोवउत्तावि अणागारोवउत्तावि॥ ते णं भंते! जीवा किमाहारमाहारेंति ?, गोयमा! व्यतो अणंतपदेसियाई खेत्तओ असंखेजपदेसोगाढाई कालओ अन्नयर
।। ११॥
