________________
तं किं पि एइ कजं पुवजियदड्ढदिव्वजोएण । मरणं पि जत्थ अरिहं असुंदरं जीवियव्वं पि ॥४७॥ तो अम्हं पि सयं चिय जालोलिकरालहुअवहे पडिउं । जुज्जइ पयंगलीला न उणो सुयमरणवजरणं ॥
अहवा समए चुकाण तेण किं एत्थ बालचरिएण? | भवियव्वमिमं नासो तेसिं गरिहा य अम्हाणं ॥ - इय मंतंताण इमाण आगओ तत्थ माहणो एको । भणिया ते तेण अहो कि एवं आउलीभूया? ॥५०॥
धीरा होह अहं चिय साहिस्सं चक्रवट्टिणो एयं । इय भणिऊण अणाहं मडयं घेत्तं गओ एसो॥५१॥ रायद्वारे महया सद्देणं पलवमाणओ एसो । पुच्छाविओ निवेणं पभणइ एको सुओ मज्झं ॥५२॥ अहिणा डक्को सोऽवि हु जाओ निचेट्टओ तओ एयं । जीवावसु तो राया गारुडिए पेसए तत्थ ॥५३॥ वाहेऊणं मंते तेहिं विनाओ जहा मओ एसो । किंतु अइछंदसो माहणो त्ति तो तं विवोहेउं ॥५४॥ तेहिं भणियं न कोऽवि हु मयपुवो जत्थ मंदिरे ताओ । रक्खं आणेह तओ जीवावेमो इमं डसियं ॥ रण्णा पुरी समग्गा तओ गवेसाविया तहा गामा। तं पिन लद्धं गेहं मयाण संखा जहिं अस्थि ॥५६॥ तत्तो रन्ना भणियं मज्झ वि वंसंमि कुलगरा सत्त | तत्तो उसहजिणिदो भरहो बाहुबलिमाईया ॥५७॥ राया आइच्चजसो सोमजसो जा असंखकोडीओ । रायाण मया उ सिवे पयम्मि केई गया अन्ने ॥५८॥ दियलोए संपत्ता जियसत्तू जेट्टबंधवो पिउणो । सिद्धो मज्झ पिया वि हु गओ सुरेसुं सुमित्तोऽवि ॥
॥३५॥
