________________
दोन्नि कुसा उड्डेहिं नीया जिणदाससावयसयासे | मोल्लं च मग्गियं तेहिं होइ जं लोहमइयाणं ॥५॥
जिणदासस्स य नियमो सया वि काणक्कयम्मि तो उड्डा ।
पडिसिद्धा तेण गया वणिणो नंदस्स पासम्मि ॥६॥ गहिया य लोहमोल्लेण तेण जाणतएण वि सुवन्नं । एवं दियहे दियहे दोन्नि कुसा गिण्हए नंदो ॥७॥ देइ य तुट्ठो उड्डाण धूयधूयणगुडाइयं बहुयं । कुसयाण य मोल्लेणं उड्डा निचं पियंति सुरं ॥८॥ अन्नदिणम्मि य नंदो केहिं वि अन्भरहिएहिं सयणेहिं । वीवाहाइपगरणे बला वि नीओ अणिच्छंतो ॥९ कणयमया य न कहिया कुसया एएण नियसुयाणं पि । मुक्का थविउ छन्ना य कत्थई तो सुयेणेए ॥१०॥ पडिहासंति न कहमवि गिहिज्जंता महग्धमुलं ति । नंदेण य तम्मि दिणे वचंतेणं सयणगेहे ॥११॥
भणिया सुया जहा ते बहुमोल्लेण वि कुसा न हत्थाओ ।
मोत्तव्बा तुन्भेहिं इय सिक्खविउं इमो बयइ ॥१२॥ उड्डा य आगया तत्थ तो सुया देंति ऊणयं मोल्लं । एए य तत्तिएणं न देंति जा ताव कुद्धेहिं ॥१३॥ पक्खित्ता एएहिं उल्लालेऊण हट्टपंगणए । जायं पयर्ड कणयं फिट्टे तो ताण किट्टम्मि ||१४॥ दिहा य रायपुरिसेहिं ते कुसा तो समं पि उड्डेहिं । नीया नरिंदपासे एत्तो चिय आगओ नन्दो ।१५।
॥३६३॥
