________________
गोशा
भव- भावना प्रकरणे
लस्य
गोसालो परिकुविओ तत्तो सिरिवीरजिणवहहाए । निसिरेइ तेयलेसं सा य या जिणपभावेण ॥५३॥ आयासे उप्पइया दाऊण पयाहिणं जिणिंदस्स | गोसालस्स सरीरं विणिद्दहंती पुणो विसइ ॥५४॥ तो जंपड़ गोसालो छम्मासम्भंतरं तुम मज्झ । तेएण विणिद्दड्ढो मरिहिसि पित्तजरदाहेण ॥५५॥ तो भणइ जिणो अजऽवि सोलस वासाइं आउयं मज्झ । नियतेएणं दड्ढो मरिहिसि तं सत्तरत्तेण ॥५६ तत्तो पहाणलोओ वयणं सद्दहइ जिणवरिंदस्स । इयरो उण संसइओ गोसालं ता मुणइ सचं ॥५७॥ तो समणे निग्गंथे भणइ जिणो निप्पभो इमो जाओ। ता हेउजुत्तिआगमवयणहिं चोयह इयाणिं ॥५८
तह चेव कए समणेहिं ताण कुविओऽवि किं पि गोसालो।
न तरइ काउं दळूण तं च तह निप्पभं जायं ॥५९॥ सिरिगोयमाइयाणं सोऊणं तह य जुत्तिवयणाई । पडिवुद्धा आजीवियथेरा केई जिणमुवेति ॥१०॥ अन्ने गोसालेणं सद्धिं चलिया इमोऽवि परिचुक्को । ससमीहियस्स लंचइ दाढियलोमाई कोवेण ॥३१॥ नीससइ दीहमुण्डं पलोयए सुन्नमेव पासाई । कुदृइ पाएहिं महिं धुणइ करे निंदए अप्पं ॥२॥ पत्तो य कुम्भकारावणम्मि दाहेण परिगओ देहं । सिंचइ मट्टियसलिलेण अंजलिं कुंभयारीए ॥३३॥ बंधइ पुणो पुणोऽवि हु नचइ गायइ अभिक्खणं चेव । पत्तो य परवसत्तं दाहेणं पियइ मजं च ॥६॥ किं एयं ति य पुट्ठो पख्वए मज्झ मोक्खगमणस्स । समओ एसो तप्पत्थिएहिं कायव्वमेयं च ॥५॥
तेजोलेश्याप्रभावेण स्वदेहे अपारा पीडा
|| ३२४॥
