________________
तो 'वित्तणं भुवणं सुएण तह परियणेण वित्थरियं । दटुं अचयंतो जेट्टबंधवो मच्छराउलिओ ॥४५॥ साहइ गंतण नराहिवस्स जह तुम्ह पुवपुरिसाणं । विउलाई निहाणाई लद्धाणि बहणि एएण ॥४६॥ लोभग्घत्थो ण मुणइ वियारपरमत्थमह नरिंदो वि । भुवर्ण धराविऊणं आणावइ अप्पणो पासे ॥४७॥ पुच्छेद वढिऊणं अव्ववसायस्स तुह धणं कत्तो ? | तो परिचिंतइ भुवणो किमहं साहेमि एयस्स ॥४८ जम्हा जट्टिए साहिएवि उवहासमेव मह काही । एसो तो जं रुचइ करेउ एमेव तं मज्झ ॥४९॥
तो जाव न पडिवयणं देइ तओ कोवमुवगओ राया । वझं आणवइ तयं जाव य आरक्खिओ बाहिं ॥ IS नेऊण किर हणिस्सइ सोहम्मसुरेण ताव विणिउत्ता । देवा नयरस्सुवरि सिलं विउव्वंति अइगरुयं ॥५१ ॥
पभणंति य जह नयरं चुरेमो नरवरेण सह एयं । जत्थ अणायारपराण वद्दए एरिसवियारो ॥५२॥ - मच्छरिणोऽवि हु वयणेण साहुणोऽवि हु कयत्थणा एवं । कीरइ न वियारिजइ पत्तमपत्तं च गुणदोसं ॥ cil जिन्नं जिणभवणं उद्धरंतएणज्जियं जमेएण | पुन्नं तस्स वसेणं पहुणा अम्हाण धणमेयं ॥५४॥
दिन्नं इमस्स सक्कंति तं च दटुं न बंधवा तत्तो । जंपति असंबद्धं पि मच्छरेणाऽउलिजंता ॥५५॥ इच्चाइ णिसामेउं आदन्नो नरवरो भओतत्थो । धूवकडुच्छयहत्थो नियत्थसियवत्थआभरणो ॥५६॥ १.विहवेणं-सर्वत्र ॥
०७॥
