________________
सिवसोक्खे य निविट्ठ मज्झ मणो तं च कह तुम देसि ? । सयमेव भवदुहट्टो भवदुहमुक्कं जिणं मोत्तुं ॥
तम्हा नमिऊण जिणं नमिजए तिहयणेऽवि को अन्नो ?।
न हि कमइ लवणतोयं पीए दुद्धोयहिजलम्मि ॥१२॥ अट्ठाणे य पसंससि अप्पाणं गरुयअंतरे भुल्लो । नहि अंबयाण सद्धा नियत्तए अंबिलीयाहिं ॥१३॥ ईसिवियसंतमालइकलियामयरंदपाणपरितुट्ठो । कत्थ वियारिजइ सोऽवि महुयरो कइरकुसुमेहिं ॥९४॥ लीलाकरेणुकरगहियसरससल्लइदलग्गदुल्ललिओ । कह हीरइ करिकलहो अइनीरसफरुसघासेहिं ? ॥१५॥ जइ य तुमं वरदेवो देवगुणा संति तुज्झ सब्वेवि । ता कारेसि पणामं बलिमड्डाए ममं कीस ? ॥९॥ | नहि अप्पणोऽवि गरुया गुणे पयासंति अप्पणा चेव । एमेव पत्तभूयं सरियाओ सरंति सरिनाहं ॥१७॥
का गुणगुरूण हाणी बहु मन्निजंति जइ न इयरेहिं ?।
किं झिजइ रविणो जह न बहुमओ सो उलूयस्त ? ॥९८॥ इय तेण कओ जक्खो निरुत्तरो गरुयनिउणवयणेहिं । तो परिकुविओ एसो विउव्वए कुमरदेहम्मि ॥ सीसच्छिकन्नउरदंतनिस्सिया वेयणाओ तिब्वाओ । जा एका विहु जीयं हरेइ नियमेण इयरस्स ।१०० तढुक्खसल्लियतण संजाओ सब्बहा विगयचेट्ठो । गुरुसत्तसारघडिओ तह् वि सयं चिन्तए कुमरो ।१०१
।२४३ ।।
