________________
| पुष्प
भवभावना प्रकरण
चूलायै
वृद्धत्वे
धर्मकरणविषये कथनम्
अह अञ्चव्भुयतव्वयणजायसोयप्पमोयतरलमणो । विसयसुहसिढिलराओ राया वि फुडक्खरं भणइ ॥
जाणवि जं पसियच्छि ! लच्छिसजणसुहउ, भवसायरि नरजम्मु रम्मु अइदुल्लहउ । _ विणु धम्मि लद्ध चि सु निरत्थउ मइं गणिउ, जाणवि अन्नु न धम्मु वि मेल्लिवि जिणभणिउ ॥१२८ किंतु तरुणहरिणच्छि ! लच्छिविच्छड्डु चलु, जरघुणवणसयजज्जर विहडइ देहबलु ।
ता माणहुं रायसिरि निसेवहुं विसयसुहु, दिठ्ठ अदिट्ठह कारणि अवहेरइ अवुहु ? ॥१२९॥ मुंजामो विसयसुई धम्मस्स मयच्छि ! पच्छिमो कालो | मुद्धे ! अद्धवसंकाइ को धुवाइं परिचयइ ?। | तो दसणुग्गयकरकुसुमटिविडिक्कियमुहसोह । तसु पडिकूलवि भणइ पिय, दरसिढिलयउवरोह ॥१३१॥
जइ अकालि कवलंतु न रोगभुयंगु पिय !, हुंत जइ य जमकरणनिवारणि कावि क्रिय । ता माणह रायसिरि निसेवहि विसयसुह, अन्नह एउ मणंतु हसिजसि नाह ! तुहं ॥१३२॥ रायलच्छि छडिजइ दुकरु दुल्लहिय, नाह ! घरणि मणहरणि दुमेल्लिय वल्लहिय । इय मुणंतु जमदंडि पयंडि पराइयइ, विरस रसंतु अयंडि मड्डु छड्डाविया ॥१३३॥ कुवंतरकुसथंबविलंबिनराहमह, सिरिपडंतमहुविप्पुसआसायणसमह । विसयसुहह नीसारह कारणि केंव जणु, न गणइ सिरि निवडतउ दारुणदुक्खघणु ॥१३४॥
