________________
अह सा दरहसियफुरंतदंतकरधूसराहरा भणइ । जाईसरणविरज्जतकंपिरच्छं नियच्छंनी ॥११॥
पुब्बक्कयनियकम्मसिप्पिविसयावडिउ, अम्हेहिं वि संसारकवाडनाडउं घडिउ । हरिणुमिहुणु अवलोयवि मई संभरिउ जिह, नियजाईसरणेण नाह ! साहेमि तिह ॥१२॥ अत्थि एत्थु महिमंडलि महिमंडलतिलउ, विज्झसेलु रमणिजमझु गुज्झयनिलउ । करिकरमोडियचंदणरसपरिमलसुहउ, दीहरसिहरोसारियरविरहवरतुरउ ॥१३॥ रम्मवणंतचरंतसुहासिरकणयमउ, सुरविज्जाहरसेविउ नं गिरिकणयमउ । नम्मयाइ आलिंगिउ तुंगिमगुणकलिउ, नं सुपुरिसु कलजंपिरसउणसयाउलिउ ॥९४॥ उन्नयसीयपओहरभारालिंगियउ, नरसुरवरमणुरामु रामु नं वणि गयउ । सइ वियसंतविलासपलाससयावरिउ, नं महिरावणु रावणु सुरमच्छरभरिउ ॥१५॥ तत्थ भमिरसच्छंदमयंधमयाउलउँ, तरुणहरिणमणहरणहरिणिसयसंकुलउँ । कुडिलतुंगसिंगग्गकुरंगाहिट्ठियां, वसइ किं पि मयजूहसमूह परिट्टियउ ॥९॥
॥ १७१॥
