________________
TEESEXSECRESENSERTENSE
इचाइ चिंतिऊणं नागसिरी नाम अट्ठवारिसिया । सा तस्स तेण दिन्ना कन्ना तह चेव परिणीया ॥३४॥ तत्तो धणप्पिएणं दिन्नं तीसे सयलमाभरणं । वरकणयरयणघडियं मुत्ताहलहारकयसोहं ॥३५॥ अह एइ जाइ एसा ससुरगिहे पेच्छए न भत्तारं । तो जाव तं पि पुन्नं वीसइमं वरिसमणुकमसो ॥३६॥ अह सासुयाए भणिया नागसिरी पुत्ति ! दीवयं देसु । वासहरे सेज पि हु गंगापुलिणं व विच्छिन्नं ॥ वरहंसतूलिकलियं आलिंगणवडिओबहाणेहिं । जुत्तं करेसु पउणं तहेव सव्वं कयं तीए ॥३८॥ तत्तो धणप्पिएणं बीडयकलियाई पडलयाई तहिं । मोयावियाई तह सुरहिकुसुमकलियाई अन्नाई॥ कप्पूराइविमीसं सिरिखंडविलेवणं च सिप्पीसु । कसिणागुरुधूमाओ ठवियाओ धूवघडियाओ॥४०॥ तो भणिया नागसिरी एगंते ठावि धणवईए । नीहरिही पुत्ति ! करंडयाउ एक्को जुवा एत्थ ॥४१॥ तस्स भयं कायब्वं न तए सोऽवि हु तए समं भोए । भुंजिस्सइ अविसंको तो संभोयावसाणम्मि ॥४२ घेत्तं करंडयाओ कंचुलियं पन्नगस्स अइगरुयं । सिग्छ चिय जालेजसु अविसंका दीवयसिहाए ॥४३॥ इचाइ देवयाए कहियं सिक्खाविया इमा सव्वं । काऊणं सिंगारं वरवत्थविलेवणाईहिं ॥४४॥ तो वासहरे गंतुं दारे दाऊण निचलकवाडं । सुरसुंदरि व्व एसा चिट्ठइ लीलाइ सेजाए ॥४५॥ जह सासुयाइ कहियं जायं तह चेव तत्थ सव्वं पि । तीए वि तहा विहियं अह संजाए पहायम्मि ॥
FEESEREE
||॥ ११७॥
