________________
इय भणिऊणमदंसणमावन्ना देवया तओ कुमरो । सह विमलेणारूढो तम्मि विमाणम्मि रयणमए । ७३ । पेच्छय तयं भरियं रयणेणं तो कहेइ सयलं पि । जं देवयाइ भणियं जोगिस्स तओ वि करुणाए ॥ मोलिओ सो गिन्हसु नियइच्छाए इमाई रयणाई । तो हिद्वेण इमेणं गहिया एका महामोहा ॥७५॥ अह उप्पड़ओ कुमरो तेण विमाणेण विमलपरियरिओ । भमइ समीहियदेसे जोई वि हु आगओ श्रेवं । ता रिक्कं चिय पेच्छइ मोट्टं तो निंदए य अप्पाणं । भाणू वि नियविमाणे दटुं ताई पि रयणाई ॥७७ सोइ तं पुणो पुण एत्तो गंतूण देवयाइ तहिं । भीमस्स भुए दोन्नि वि उक्खणिउं रुक्खसाहाए ॥७८॥ उबिओ अहोमुहमहो सया पज्जलंतजलणस्स । चिट्टेइ धूमपाणं कुव्वंतो तम्मि रज्जे य ॥७९॥ पुरवठविओ राया सिरिदामो चैव सह अमचेण । कहिऊण ताण दोण्ह वि पुत्तपत्तिं गया देवी ॥ तो करुणा राया उत्तरावेइ रुक्साहाओ । दावइ य भोयणं तो निएइ उल्लंबियं पुण तं ॥ ८१ ॥ उत्तरावर पुणरवि पुणोऽवि उल्लंबियं नियइ भीमं । तो विणियत्तो भोयणमेत्तं चिय दावए निचं ॥ ८२ ॥ अह मइसागरमंती तस्स सुया कमलिणीइ कुमरा य । सलहिज्जंति जणेणं पिउघाई जीववहओ य । ८३ । धिक्कारिज्जइ भीमो अणुहवइ इहं पि तिब्वदुक्खाइं । एत्तो य देवयाए कहियं भाणुस्स तं सव्वं ॥ ८४ ॥ उत्तरसेढीय तया वेयनगस्स कह वि अहिवइणो । कन्ना आसि तया तो पन्नत्तीए तहिं नीओ ॥ ८५ ॥
113911
