________________
12/झम्मि नियमओ विसइ। तो कहसु] तप्पउत्तिं जीवावसु संखणरणाहं ॥ ३८३ ॥ एवं भणिओ दत्तेण सो दयं माणुसे ||
परिवहंतो। णेइ ममीवे कुलसामियस्स कहिओ य वुत्तंतो॥ ३८४ ॥ तावसिमज्झाओ तओ वाहरिया तह निहालिओ दत्तो । सहसा निरुद्धकंठं परोइया मुक्कनीसासा ॥ ३८५॥ धीरत्तणेण धरियपि हिययरुद्धं दुहं अइमहंतं । रोयंतीए तीए झडत्ति दत्तग्गओ वमियं ॥ ३८६ ॥ आसासिया खणाओ दत्तेणवि मंथरं रुयंतेण । मा कुण सामिणि! खेयं एसो खलु कम्मपरिणामो ॥३८७॥ पावंति सुहं दुक्खंपि दारुणं चित्तगोयराईयं । चित्तसुहासुहकम्मेहिं पाणिणो एत्थ संसारे॥३८८॥ एयम्मि अणणुकूले माया भाया पई पिया सयणा । वटुंति वेरिया इव रिउणोवि इमेव अणुकूले ॥ ३८९ ॥ भवियघयानिमओया एयं अच्चन्भुयं तुहं वित्तं । तहणेहणिन्भरेणं रण्णा जं कारियं एयं ॥ ३९० ॥ अणुभूयं सुयणु! तए सघं अचंपातदारुणं दुक्खं । एत्तोवि अणंतगुणं रन्नावि अओ निमित्ताओ॥ ३९१ ॥ संपइ पच्छायावी इच्छइ सो साहिउं खलु |
हयासं । अजेव जइन पेच्छइ तुह वयणं जीवमाणीए ॥ ३९२॥ ता मुयसु मण्णुमहणा कालक्खेवोवि खमइ णो एत्तो। | आरुह रहबरमेयं एवं चिय संपयं जुत्तं ॥३९३॥ कयनिच्छयं नरिंदं णाउं गमणूसुया इमा जाया। पडिकूलस्स य पइणो | | हियमेव मणे कुलवहणं ॥ ३९४ ॥ णमिऊण य पुच्छिऊण य कुलवइमह रहवरं समारूढा । पत्ता य पओसे नयरवाहिरे
नरवरावासे ॥ ३९५ ॥ संपुन्नतणुं दइयं लभृणं तोसमुवहंतोवि । लज्जोणामियवयणो ण तरेइ पलोइउं राया ॥ ३९६ ॥ का एत्यंतरम्मि रम्मं वद्धावणयं पवज्जियं तूरं । आरत्तियाइकजे समागयं पायमूलम्मि ॥ ३९७ ॥ पिसुणियपरमाणंदे मणहदरगंधपतूररवमुहले । नियत्तियम्मि सयले संझाकज्जे पुहविपालो ॥ ३९८ ॥ आणंदामयसंसित्तगत्तसामंतमंतिचक्केण ।
AuctictictictCIRCRActs
