________________
उल्लायं तामिं बहुविहं सोउं । ईसावसेण राया गहिओ कुवियप्पसप्पेहिं ॥ १९८ ॥ हिययस्स कयाणंदो एयाए वल्लहो वरो कोइ । अहयं विणोयमेत्तं वसीकओ कवडनेहाए ॥ १९९ ॥ किं निहणामि इमं चिय किंवा घाएमि वलहमिमीए । का होज एत्थ दूई संजोगो जीए इय घडिओ ? ॥ २०० ॥ एवं गुरुरोसाणलजालाकवलियसरीरओ राया । कज्जमकहणिजमिमंति पुच्छिउं किंपि असमत्यो ॥ २०१ ॥ अइवल्लहासु गरुयं सम्माणट्ठाणमाणियासुंपि । को विस्सासं इत्थीसु नाम विहो जणो कुणउ ? ॥ २०२ ॥ एसा कलावई जं निम्मलकुलसंभवावि सासेइ । असमंजसाइं एवंविहाई णूणं गलियसीला ॥ २०३ ॥ एवं असंकणिज्जं संकंतो तक्खणा पडिनियत्तो । दुक्खेण दिवसमेगं गमेइ गुरुदुक्खसंतत्तो ॥ २०४ ॥ अत्यंगयम्मि रविमडलम्मि दूरं वियंभिए तिमिरे । सोयरियाण बहूओ पच्छन्नं वाहरेऊण ॥ २०५ ॥ भणियाओ समइकप्पियमत्थं पडिवज्जिडं गया ताओ । रन्नावि समाणत्तो निक्करुणो नाम निययभडो ॥ २०६ ॥ जह भद्द तुमं पच्छन्नमेव दे विं कलावई मज्झ । पञ्चूसे च्चिय नेउं उज्झसु अमुगत्थ रन्नम्मि ॥ २०७ ॥ अह सो पभायसमए पउणीकाउं रहं तुरियतुरयं । पभणड़ देविं आरुह रहम्मि एयम्मि अविलंवं ॥ २०८ ॥ कुसुमुज्जाणे नमिउं राया संपत्थिओ गयारूढो । तुह ५ आणयणे सामिणि! आएसो मज्झ संजाओ ॥ २०९ ॥ सरलसहावा एसा ससंभ्रमं रहवरं समारूढा । तेणावि चोइया
तक्सणेण तुरया पवणजवणा ॥ २१० ॥ केत्तिदूरे राया सुंदरि ! एसो स अग्गओ जाइ । एवं जंपंताई ताई रन्नम्मि पत्ताई ॥ २११ ॥ तात्र पभाया रयणी विमलीभूयाई दिसिवहुमुहाई । रायाणमपेच्छंती देवी दढमाउला जाया ॥ २१२ ॥ हा निकरुण ! किमेयं न य दीसइ एत्थ कत्थई राया। उज्जाणंपि न दीसइ वेलविया कीस तुमए हैं ? ॥ २९३ ॥ नय
