________________
|अत्याणमंडवा सो उद्वित्ता कयसिणाणकाययो । देवाइपूयणं काउं किंचि आहारमुवभुत्तो ॥ ७६ ॥ उवलद्धो रसणाणं ||
महराईणंण कोवि आसाओ। तं चिय कलावई माणसम्मि सइ संभरंतेण ॥ ७७ ॥ तो सुत्तो ससयणीए कत्थइ वत्थुम्मि रामयावतो । परिचिंतिउं पवत्तो इमेरिसं उम्मणो संतो ॥ ७८ ॥ भदं ते देव ! जेणं जियतियसवहू निम्मिया सा मयच्छी, तं सूर्ण ज न सिद्धा गयणगमखमा माणवाणंपि पक्खा । तम्हा अम्हंपि इण्हिं कुणसु पहु! लहुं सुंदरं पिच्छभारं, पेच्छा४ामो जेण हत्थं वयणजलरूहं दुल्लहं वल्लहाए ॥ ७९ ॥ किं होही सा राई दिवसो वा अमयणिम्मिओ कोइ । जत्थ रमिस्स कातीसे उरम्मि हंसो सरवरेव ॥ ८० ॥ कइया वा महुराहरदलकलिए वयणपंकए तीसे । काहं महुयरलीलं अवियण्हो मंथ
रामोए? ॥ ८१ ॥ एमाइचित्तचिंताहीरंतो अच्छिऊण किंपि खणं । पुणरवि अत्थाणगओ तीए कहाए दिणं नेइ ॥२॥ अह दुइयदिणे रनो नमंतसामंतचक्कवालेण । सेविजमाणचरणारविंदजुयलस्स सहसत्ति ॥ ८३ ॥ चारपुरिसेण केणइ8 सिटुं गुरुसासरुद्धकंठेण। देव! महंत सेन्नं पविसइ कत्तोवि तुह देसे ॥ ८४ ॥ रहचक्कघणघणारवगयगजियतुरयखुरर वमीसो। कोलाहलो दिसाओ पूरइ वणसत्तसंतासी ॥ ८५॥ अविय। उइंडधरियवरपंडरीयडिंडीरपिंडपंडरियं । उम्मग्गलग्गखीरोयनीरसंकं तयं कुणइ ॥ ८६ ॥ वदंति विणयपणया सबे देवस्स सीमसामंता। तं पुण अणज्जमाणं समागयं देव! कत्तोवि ॥ ८७ ॥ सोऊण इमं रणकेलिकोड्डिओ भिउडिभंगभीमंगो। लीलालयनियनिहयमहियलो आह । भूवालो ॥ ८८ ॥रे रे दिजउ तुरियं पयाणढक्का करेह संजत्तिं । तूरह भो सामंता खेल्लणयं आगयं किंपि ॥ ८९ ॥ लद्धाएसा सिन्नं पउणीकाउं भडा समाढत्ता । रहगयतुरंगवाहणसंणाहे पहरणोहं च ॥ ९०॥ किं किंति वाहरंतो सब
GetACHEESAMANANCAREE
SACROSANSACROSAROSAGARMATLA-4
