________________
॥ ११०॥ मंडियनामा चोरो सणियं उद्याविओ य सो तेण । भणिओ य भद्द! को तं सो भणइ अणाहपहिओ हं ॥१११ ॥ मं अणुगच्छसु जेणं सिद्धी ते होइ वंछियत्थाण । आमं ति भणिय लग्गो सो राया तस्स मग्गेण ॥१२॥ कत्थइ ईमरगेहे खणियं खत्तं विणिग्गओ तत्थ । अइपउरो घरसारो दिन्नो रन्नो य खंधम्मि ॥ ११३ ॥ जिण्णुजाणभंतरदेउलमढमझभूमिहरयम्मि । नीओ य तत्थ दिवा तभगिणी रूवरयणखणी ॥ ११४ ॥ सा मंडिएण भणिया सोयं चलणाण कुणसु एयरस । कूवसमीवे सा तस्स ठाविडं फुसइ जा चरणे ॥ ११५ ॥ फंसाणुमाणजाणियनिवचरणा पणयमागया तम्मि । ता जाणावइ तं तह जह सो तुरियं विणिक्खंतो॥ ११६ ॥ जो उण अन्नो सो पायसोयछउमेण तत्थ कूवम्मि । अञ्चंतगहीरतले खिप्पइ तीए गयदयाए ॥ ११७ ॥ कोलाहले कए एस जाइ इह निग्गओ ममाहिंतो। तो सो खग्गसहाओ अणुलग्गो मग्गओ तस्स ॥ ११८॥ नाओ य मूलदेवेण एस जहा एइ तुरियपयचारो। तो नयरचच्चरसिवंतरम्मि परिसंठिओ भीओ ॥ ११९ ॥ रोसावेसभमाओ खग्गेण सिवं विहाडिय कयत्थं । अप्पाणं मन्नंतो स नियत्तो पिट्टओ झत्ति ॥ १२० ॥ गयखंधम्मि विलग्गो वीयदिणे जा पुरे भमइ राया। ता कवडविहियपट्टगसंछयतणू तओ तेणो॥ १२१॥ दिट्ठो रन्ना कंथाइ सेवणं चच्चरे कुणेमाणो । विनाओ तक्खणमेव तो य भवणं लह नीओ॥ १२२ ॥ निसियवहारो पयडीकओ य मिलियाई दोण्हवि मणाई । ठविओ पयम्मि अइनिउणवुद्धिणा मूलदेवेण ॥ १२३ ॥ भणिओ भइणिं मम देहि तेण दिन्ना सगउरवं तस्स । एवं वच्चइ कालो तीइ समं विसयसत्तरस ॥ १२४ ॥ विनायभवणसारेण राइणा तेण तेणुवाएण । संपाडियविस्सासो कओ य उवभुत्तसवस्सो ॥ १२५ ॥ सरि
MEIGNESCAMPRESSNESS
