________________
श्रीउपदेशपदे
॥ २६ ॥
भागधेओ तेसिं सो देसियाण पुरो ॥ ६६ ॥ जा पन्नवेइ सुविणयफलं च पुच्छेइ ताव एक्केण । घयगुलसमग्गमंडय - लाभो तुज्झति वाहरियं ॥ ६७ ॥ पत्तो य बीयदिवसे छाइजंतम्मि किंचिवि गिहम्मि । गिहपहुणा निद्दिट्ठो संपत्तो मंडण ॥ ६८ ॥ इनिउणत्तणमइणा उ चिंतियं ताव मूलदेवेण । एत्तियफलो न एसो सुविणो, अवियाणगा एए ॥ ६९ ॥ अह उग्गयम्मि रविमंडलम्मि काउं पभायकिच्चाई । कुसुमभरियंजली सो पत्तो सुविणन्नुयसयासे ॥ ७० ॥ परिपूजितच्चरणो काऊण पयाहिणं पणयमउली । वद्धंजली निवेएइ चंदपाणं सुविणयम्मि ॥ ७१ ॥ तो सुविणपाढएवं रज्जफलं निच्छिऊण तं सुविणं । लायण्णामयपुण्णं कन्नं परिणाविओ पढमं ॥ ७२ ॥ एसो ते रज्जफलो सत्तदिणव्यंतरे धुवं सुविणो । एवं ति मउलियंजलिपुडेण पडिवण्णमेण ॥ ७३ ॥ पत्तो कमेण विनायडम्मि परिचिंतियं तओ ते । अचंतनिद्धणो हं भमामि कह नयरमज्झम्मि ॥ ७४ ॥ तो रयणीए ईसर गिहम्मि एगम्मि खणियखत्तो सो । आरक्खहिं गहिओ बद्धो य नीओ य करणम्मि ॥ ७५ ॥ चोरस्स वहो दंडोत्ति नीइसत्थं सरंतओऽमच्चो । तं वज्झमाईनिज जावज्झभूमीए ॥ ७६ ॥ ता चिंतेइ किमेयं सबं पुब्वुत्तमलियगं होही ? । तस्सेबुदयागयपोढपुण्णवसओ पुरे तत्तो ॥ ७७ ॥ उग्गाढसूलवियणो विहरसरीरो अपुत्तओ मरइ । नरनाहो दिवाई अहिवासिज्जंति तो पंच ॥ ७८ ॥ बेरमो तुरंगो छत्तं चामरजुगं च तह कलसो । तो देवयाउ लहु ओयरंति एएस रजस्स ॥ ७९ ॥ मग्गिज्जइ नररयणं जोगं रजस्स चच्चराईसु । दिवेहिं तेहिं नयरीइ सबओ हिंडमाणेहिं ॥ ८० ॥ दिट्ठो य खरारूढो छित्तरछत्तो सरावमालगलो । रत्तंदणकयराओ मसि मुद्दयमुद्दियसरीरो ॥ ८१ ॥ संमुहमेंतो सो मूलदेवतेणो तओ गईदेण । पारुद्धा गल
६ स्वप्न नि. दर्शनम् |
॥ २६ ॥
