________________
K
ARACETAMACISAKC
अजमहत्थी पत्तो पाटलिपुत्ते पवित्तगुणो॥६०॥ वहिमुजाणम्मि ठिओ पभूयवरसाहुनियरपरियरिओ । दिवो कयाइ पासायमंठिएणं निवेणेसो ॥ ६१ ॥ ओइन्नो रायपहं चउविहसंघाणुगो जहा गयणे । गहतारागणमझे जणियपमोओ मरयसोमो ॥ १२ ॥ अवलोइयपुवो एस मज्झ इय माणसे वियर्कतो। सहसा महीऍ पडिओ सित्तो य जलेण सिसिरेणं |॥ ६३ ॥ वीयणगपवणपरिवीइओ य मुच्छाविरामसमयम्मि । जाओ जाइस्सरणो मुणिओ पुषो य वुत्तंतो॥ ६४॥
तराणमेव समीये मुणिवइणो आगओ परं हरिसं । रोमंचकेरकर सवंगेसुवि परिवहंतो ॥ ६५॥ वंदित्ता विन्नत्तो सूरी साकि जिणवराण धम्मस्स । फलमत्थि? सग्ग मोक्खो मुणिवइणा भासिए एवं ॥ ६६ ।। सामाइयरस किं फलमाह मुणी
जं पगिट्ठपयपत्तं । तं सग्गनिव्वुइफलं रज्जाइफलं जमवत्तं ॥ ६७॥ संजायपच्चओ एवमेयमिह नत्थि संसओ भणइ । किंभयवं! परियाणह मुणिवइणा सोवओगेणं ॥ ६८ ॥ आमन्ति वोत्तुमुत्तो कोसंबीवइयरो तओ सबो । जह दिन्नो | आहारो विसूइगाए जहा मरणं ॥ ६९ ॥ उप्फुल्लवयणकमलो हरिसंसुपवाहउल्लनयणिल्लो । धरणियलमिलियमउली पुणो पुणो पणमइ मुणिंदं ॥ ७० ॥ सजलजलवाहमालानिग्घोसमणोहरेण सदेण । पारद्धो जिणधम्मो कहेउ निम्महियमिच्छत्तो ।। ७१ ॥ दुग्गयनराण व निही जच्चंधाण व निसाकरालोओ। वाहिविहुराण परमोसहं व भीयाण सरणंव ॥७२॥ जलहिजलंतोवुाण सत्ति निच्छिद्धपोयलाभो छ । पुन्नेहिं अणन्नसमेहिं कहवि जइ घडइ जिणधम्मो ॥ ७३ ॥ ता एयम्मुवलद्धे सुद्धं सद्धं मणे धरतेण । मोक्खेकफलादिक्खा दक्खेण णरेण कायवा ॥ ७४॥ इय जंपियावसाणे भालयलनिवेसियंजली राया । भणइ ममऽत्थिन सत्ती सा जीए दिक्खिओ हो ॥ ७५ ॥ तुपयपंकयभमरायमाणसीसो
MUSLISHCAMELCOM
159595
