________________
वीरवांण रावल मालदेजीरो तीजो झगड़ो
नीसांणी
चढ दळ आया पेड़ पर हैदळ पुरसांणो । काली दांमण कुंजरां पाहाड़ प्रमांणी ॥ हींस हुवै ऐराकीयां पोह कीध पलांणी। चढीया धुसै वाजतां जंग भिडीयां जाणी ।। रावळ माला माहा बळी आगळ हिंदवांणी। सादुलो किम सांसवै सिरगाळ सहांणी ।। असमर ले कर ऊठीया जम रुठा जांणी । आप दरगह आवीया प्रायस फुरमांणी । वीडंगां चढीया वीरवर सुण रावल बांणी । मीर छड़ालां मारीया षग बाढ षीरांणी ।। केतां अरीयण काटीया धर सोण धपांणी । तेरे तुंगा भाजीया माले सलषांणी ।। दीन धौळे दळ दाटीया चाढे उर वाणी । मीर गजां घड़ मारीयां केता मुगलांणी ॥ माले मिणीयर देसमैं पंष चाढयो पांणी । मालन भागा मुगळां सांवत सलषांणी ॥
३५
. दूहा साह दोऊं मन संकीया, फोज विदा की फेर । भिळे नहीं गढ भीरडरो, माल तणो गिरमेर ।। राधै बाघ राडरा, भुज झेला भुरभार । चोथे जुध जुड़वा चमुं, लंगर लीधा लार ॥ राघो वागो वीरवर, इका वैहुं अवीह । जुध जुटा इण विध जबर, सांकल छूटा सीह ।।
३७
