Page Text
________________
वीरवाण सांपला उदा मूजावतनै कहाड़ीयौ जे मांहरै वासै पातिसाही फोजां छै । सो था वतै मांनु राषीया जाय तो म्हे माहे आवां । तरै उदै मुजावत उठिनै आपरी मांने पूछीयौ । माजी साहिब जो जांगलुरै ओले आज महेवो अावै तो. प्रांणीजै कै न प्रांणीजै । तरै मां कह्यो बेटा उदा आ देही कारमी छै । रजपूतरी वट छै । किणहेक अांठ आवसी जिकु होणहार छै सो होसी । ओ ओसर आय वण्यौ छै तो चूकज्यौ मती ।।
तरै उदो मुजावत सीमो जायनै वीरमदेसु मुंजरो कीयौ । घणौ आदर भाव मनुहारि करिनै वीरमदेजीनै कोट माहे आणीया । इतरामै प्रभाते ही लांरा लगी पातिसाही फोजां
आई । तिणसु उदो मूजावत जायनै सामो मिलीयो । तरै पांतिसाही फोजां माहे जिंके रुड़ा माणस उमरांव था त्यां कह्यो । म्हे इतरी दूर वीरमदेनै मुढा आगै कीयां आयां छां सो वीरमदे थांहरा कोट माहे छै । तिको वीरमदेने उरो सूपो । तरै उदै मुजावत सषिले ठाकुर कह्यौ । जे क्यु सूरज छाबडै ढकीयो रहै नही । तिको वीरमदे मारा घरमै समावै नही।
आप डेरो करावो । सवारै म्हे समझनें जाब देसां । तरै पातिसाही फोज डेरो कीयो । घास पाणीरो जाबतो करायौ । तुरक पिणं ठंढा पडीया । मन माहे जाणीयो सवारै मानै वीरमदेनै सूपसी।
उदो मुजावत कलविकल करिनै कोट माहे आयो । वीरमदेजीनै रह्यो जे पातिसाही फोजां निपट सबली आई । जे जांगलुग कोटसुधको सहणी आवै नही । उदै मजावत वीरमदेजीनै कह्यो जे श्राप हुकम करो तो राजरा मुढा प्रागै लडिनै काम आवां । जे राजरी दाय
आँचै तो घोड़ा ऊंट'र रजपूत लेनै आवां तरै वीरमदेजी मनमै विचार्यो । जांगलुरा कोटमै तो रह सका नहीं । तरै वीरमदेंजी घोडा ऊंट बलदं घरची उदाजी कनासु लेनै देपाल जोईयारी देंसनै रातूं रात षडीयां ।
वीरमदेजी तो देपाल जोईयों कनै गयो । तुरकरी फोज उठे हीजें रहीं । तरै प्रभाते ही नित्राचं फोजरै नायब उदा मंजावतनै बुलायौ । तरै उदै आयनै मुजरो कीयो । उदैजी आपरा साथनै कोटरो जाबतो दे आया था । कोटरी पोल सैठी जड़ मेलज्यो । इतरो जाबतो करि नै उदोजी तुरकां कंनै आया । तरै तुरकां कह्यौ उदाजी वीरमदेनै उरो ल्याव । तरै उदै मूजावत कह्यो । वीरमदे मारा घरमै समावै नहीं । थे थाहरी षबरि करल्यौ । कोट जोयल्यौ । वीरमदे तौ देपाल जोईयारै देस गढ सुहांणानु षडीया । तरै मुगलां उदा मुजावत नै पकडीयौ । तिको उदारी पग सूषाल पाडणी मांडी । तरै उदारी मा जांगलुरा कोट उपरा चढ़नै जोवती थी । सो उदारी पाल पाडतां दीठी। तरै उदारी मा मुगलांनै कह्यौ हेलो
| SR No. | 010752 |
| Book Title | Veervaan |
| Original Sutra Author | N/A |
| Author | Rani Lakshmikumari Chundavat |
| Publisher | Rajasthan Prachyavidya Pratishthan Jodhpur |
| Publication Year | 1960 |
| Total Pages | 205 |
| Language | Hindi |
| Classification | Book_Devnagari |
| File Size | 7 MB |