________________
नैमिनाहचरिउ
[५८२]
बद्ध तेहिं वि नाग-पासेहिं सव्वंगु कुमार-वरु . तयणु जलहि-अक्खुहिय-हियइण । उद्धणिय स-भुय-लइण अहिअ-संधि तोडिय कुमारिण ॥ अह गल-कंदल-लुलिय नर- रुंड-माल-बम्बालु। वयण-निवेसिय-पुरिस-सवु करयल-कलिय-कचालु ॥
[५८३] घोर-विसहर-वद्ध-जड-मउड्ड दढ-दड्ढ-घरिसण-फुरिय- रव-रउद्दु तडि सरिस-लोयणु । अणुगच्छिर-कडकडिर- दसण-सेणि-वेयाल-भीसणु ॥ अरि अरि सरि सरि इटु कु वि इय साडोवु भणंतु । दिटु कयंत-कराल-तणु . रक्खसु इगु आवंतु ॥
[५८४] ता वि तुट्टिर-तुंग-सिंगग्गु उभंत-सत्ताउलिउ . विहिय-गहिर-बुक्कार-वानरु । दढ-सिलयल-दलिय-पडिवक्खु खुहिय-विरसंत-कुंजरु ॥ गुरु-गिरि-वरु कस्र्याल धरिवि खिविउ कुमर-उवरिम्मि । मुर-नहयर-कामिणि-नयण- जल-परिसित्त-सिरम्मि ॥
५८५] तयणु विसरिस-दंत-पंतीहिं निम्मंस-सोणिय-तणुहिं चिविड-नहिहिं निरु सारि-कुच्छिहिं दुमुहिहिं तिमुहिहिं चउमुहिहिं पण-मुहे हिं सिय-गहिर-अच्छिहि ॥ वेयालिहिं पमुइय-मणिहिं जय-जय-रघु उग्घुटु । अह उद्धृणिय-तणु खणिण पास-त्रिविय-गिरि-बढ्छ । ५८३. ३. क. पडिसरिस. सं. घडिसरिस,
