________________
सणतुकुमारचरिउ
[५६२] .. अह विणिंच्छिवि - नूण सो चेव इहु अम्ह कुल-कप्प-तरु आससेण-नरनाह-नंदणु । आगंतु वि तसु पयई नमई सूर-निव-भवण-मंडणु ॥ अह लहु उद्विवि सम्मुहिण आलिंगिउ सव्वंगु । सणतुकुमारिण सूर-सुड हरिस-विराइय-अंगु ॥
.
[५६३]
तयणु महरिह-आसणुचविट्ठ अन्नोन्न-वियसिय-बयण जणिय-पणय-आणंद-कंदल । विम्हारिय-पुन्च-दुह नियय-सयल-मुहि-सयण-वच्छल । पढमय-मेलावग-उचिय- कय-पडिवत्ति-विहाण । चिट्ठहिं एगत्थ वि ति दु-वि खणु- सुगहिय-अभिहाण ॥
[५६४]
एत्थ-अंतरि विहिय-सक्कारु स-वयंसु नहयर-धुयहिं . निय-पियाहिं कारेवि भोयणु । चिर-दसण-उल्लसिय- वाह-सलिल-संपुण्ण-लोयणु ॥ सणतुकुमारु भणइ-कहसु कह तुहूं अखलिय-सत्तु । वाहु-विइज्जु महाड विहिं इह वयंस संपत्तु ।
५६५] . कह वि चिर्हि मह विओयम्मि दढ-नेह जणणी-जणय तह ति मंति-सामंत-सज्जण । मह निसुणिवि अवहरणु कह व पिउहु वटुंति दुज्जण ॥ अह कर-संपुड सिरि धरिवि सूर-नराहिव-पुत्तु । साहिवि नीसेसु वि खणिण निय-वइयरु पुव्वुत्तु ॥ ५६२. ८. क. सणतुमारिण,
