________________
४७७]
सणतुकुमारचरिउ . [४७४]
तस्म पुण सह-काल-संजाउ सह-पंसुक्कीलियउ सह-गहीय-गुण-रयण-मंडणु। सह-संचिय-कित्ति-भरु समग-विहिय-पडिवक्ख-खंडणु ॥ सम-सुह-दुहु सम-रूव-सिरि सम-जोव्वणु सम-सील । सम-सुहि-सज्जण-विहिय-मुहु सम-परिसीलिय-लीलु ।
[४७५]
मूल-नरवइ-पय-समुद्धरण कालिंदिय-देविहि तणिय-सुयण-आणंद-सुंदरु । सिसु-भावि वि वुड्ढ-समु पुत्र-पुरिस-आयरिण-मणहरु ।। वाल-वयंसु अहेसि पर- कामिणि-रमण-निरीह । अवितह-रूविण नामिण वि पयड महिंदस्सीहु ॥
[४७६]
तयणु विलसिर-वहल-लायण्ण संपुण्ण-जोवण-भरिण फुरिय गरुय-पडिवक्ख-खंडण । संतोसिय-सुहि-सयण दढ-पइण्ण दुज्जण-विहंडण ॥ पोढ नियविणि-माण-गुरु- तरुवर-दलण-कुढार । विलसहिं महिहिं महा-महिण दु-वि ति नरिंद-कुमार ।।
[४७७]
तहं ललंतहं काल-जोगेणं संपत्तु वसंत-महु जहिं स-तोसु सहयार-साहिहिं । निरु-विहुरिय-विरहिएहिं मंजरीउ अवयंसिकिज्जहि ॥ मलयानिल-संगमि भमर- पसरिय-गुरु-झंकार। देसंतर-गमणुम्मणहं . पहियहं कुणहिं निवार ॥
४७५. १. सूर. ४: क. सिंसु. ५. आयरण. ७. क. कामिणिहिं निरीहु marginally corrected as कामिणिरमणहिं निरीहु. १७७. ३. क. सुहयार, ७. क. पसरि.
