________________
७२८-७४०]
राठौडारी वातां ७२८ पुसकरजी कनै चापावतारो ठिकाणो वसी कडैल जठारो भाणेज सीकररो
धणी देवसिंघ। ७२९ मेडतियारै नागणेची ब्रह्माणी है, मीठी कोळी भोग लागे ।
करमसोत ७३० करमसी आपरी बहन भागाबाई नागोररा खाननू परणायी साळा कटारीमे
आसोप खीवसर दियो। ७३१ राठोड करमसी आपरी बहन भागाबाई नागोरी खानू परणायी जद खान साळ
कटारीमें आसोप खीवसर दिया । ७३२ करमसी जोधावत लूणकरण वीकारतरी चाकरीमे रहतो नारनोळरै गाव
ढुसियै वेढ हुई सू करमसी लूणकरण साथै काम आयो। ७३३ करमसी भलो राजपूत हुवो लूणकरण वीकानेरियारो चाकर हो. लूणकरण
वीकावत नारनोळ ऊपर गयो जद भोमियासू वेढ हुई लूणकरण, कवर
प्रतापसिंघ, राठोड करमसी जोधावत गाव ढुसियै काम आया। ७३४ मागळियो भोज हमीरोत जिणरी बेटी दूलदे करमसी जोधावत परणियो
पचायण १, धनराज २, नारायण ३, पीथूराव ४- च्यार बेटा करमसीरे
हुवा मागळियारा भाणेज । ७३५ उदैकरण १, नारायण २, पचायण ३, पीथूराव ४, धनराज ५-ॐ पाच बेटा।
करमसी जोधावतरा। ७३६ करमसीरै टीको उदैकरणनू हुवो वरस ४० आसोप यार रही सेवकी राव
गागाजीरै नागोरी खानसू वेढ हुई उदैकरण रावजीरै सामल नै हुवो जद
रावजी आसोप जबत कीवी। ७३७ उदैकरण करमसीरो जिणरै आसोप च्यार वरस रही पछै रावजी गागाजीरै
नै नागोरी खानरै सेवकी वेढ हुई उदैकरण रावरी चाकरीमे न गयो रावजी
आसोप ले लिवी। ७३८ उदैकरण करमसोतरो बेटो भानीदास मागळिया वीरमरी चाकरीमे हो
वीरमदे साथै काम आयो। ७३९ उदैकरणरो भवानीदास मागळिया वीरमरो चाकर हुतो सो वीरम साथ
काम आयो। ७४० भवानीदासरै राम, रामरै केसोदास, केसोदासरै प्रागदास ।
