________________
१२८९-१३०१] यादवांरी वातां
[ ११५ १२८९ जैमळपेर अनपूरणारो कोठार रावळ भीम करायो. जनाना महल, गोख
हरराज कराया सूरजपोळ, वाडीरा महल रावळ लूणकरण कराया। १२९० मकराणारा पाहणरी मूरत नवी देवी चडेस्वरी घळाव मूळराजजी जैसळमेर
मदिर नव पधरायी। १२९१. पची धाय नाथीरी जिण जैसळमेर वडा कमठाणा कराया लखमीनाथजीरी
दोनू आखमे माणक जडाया। १२९२ रतननाथजीरा कानारा दरसण जैसळमेर है. रावळजी नित दरसण करै । १२९३ चौरामी गाव जैसळमेररा रावळ रै पालीवाळारा है ज्यारो हासल आवै । १२९४ सालमसिंघ मुहतो जैसळमेर जिणरी मा बीकानेररी हुती उवा वीकीजी
कहीजती। १२९५ जैसळमेररा कामदारारा बापरी महेसगणी त्रिया बायेची कहावै, पोहकरणरी
त्रिया पौरणजी कहावै घाटमै परणीज जैसळमेररा मुहता त्रिया घरा आणे उवा घाटणजी कहावै ।
जैसळमेरा सिरदार
वरसलपुर १२९६. वरसळपुररो भाटी राव मान जिगरी भाणेजी महाराज सूरजसिंघजीरी
बेटी गुलाबकवरवाई। १२९७ भाटी केलणरा राजमे तुरक जैसळमेररो गढ घेरियो जद भाटी चरढो कोट
कूद माह आयो जद केलण कह्यो – स्याबास | म्हारा वानर, भलो आयो
जदसू चरढो वानर कहाणो। १२९८ वानर साळवाहणरो बेटो । १२९९ भाटी केलणरै तेरै बेटा जारी विगत - रणमल १, चाचो २, अको ३, दीपो
४, हरभय ५, भोज ६, वीकम ७, सोहड ८, लूणो ९, करन १०, नादो ११,
खुमाण १२, धीरो १३ । १३०० भाटी केलण केहररो. केहर देहरो देह मूळराजरो मूळराज जैतसीरो । १३०१. केलण भाटीरा बेटा दोय धीरो १, खुमाण २, मुसळमान हुवा ज्यारा वसरा
राठ।
