Suttagame 02

SR No.: 010591
Original Sutra Author: N/A
Author: Fulchand Maharaj
Publisher: Sutragam Prakashan Samiti
Publication Year: 1954
Total Pages: 1300
Language: Prakrit
Classification: Book_Devnagari, Agam, Canon, agam_aupapatik, agam_rajprashniya, agam_jivajivabhigam, agam_pragyapana, agam_suryapragnapti, agam_chandrapragnapti, agam_jambudwipapragnapti, & agam_ni
File Size: 93 MB

Page 963

सुत्तागमे
[ मिसीहसुतं
वा भगंदलं वा अण्णयरेणं तिक्खेणं सत्थजाएणं अच्छिदित्ता विच्छिदित्ता पूयं वा सोणियं वा णीहरेत्ता विसोहेत्ता सीओदगवियडेण वा उसिणोदगवियडेण वा उच्छोलेत्ता पधोएत्ता अण्णयरेणं आलेवणजाएणं आलिंपेज वा विलिंपेज वा आलिंपतं विलिंपंतं वा साइज्जइ ॥ ६७९ ॥ जे भिक्खू अण्णउत्थियस्स वा गारत्थियस्स वा कायंसि गंड वा पिलगं वा अरइयं वा अंसियं वा भगंदलं वा अण्णयरेणं तिक्खेणं सत्थजाएणं अच्छिदित्ता विच्छिदित्ता पूयं वा सोणियं वा णीहरेत्ता विसोहेत्ता सीओदगवियडेण वा उसिणोदगवियडेण वा उच्छोलेत्ता पथोएत्ता अण्णयरेणं आले. वणजाएणं आलिंपित्ता विलिंपित्ता तेल्लेण वा घएण वा णवणीएण वा अब्भंगेज वा मक्खेज़ वा अब्भंगतं वा मक्तं वा साइज्जइ ॥ ६८० ॥ जे भिक्खू अण्णउत्थियस्स वा गारत्थियस्स वा कार्यंसि गंडं वा पिलगं वा अरइयं वा अंसियं वा भगंदलं वा अण्णयरेणं तिक्खेणं सत्थजाएणं अच्छिदित्ता विच्छिदित्ता पूयं वा सोणियं वा णीहरेत्ता विसोहेत्ता सीओदगवियडेण वा उसिणोदगवियडेण वा उच्छोलेत्ता पधोएत्ता अण्णयरेणं आलेवणजाएणं आलिंपित्ता विलिंपित्ता तेल्लेण वा घएण वा णवणीएण वा अब्भंगेत्ता मक्खेत्ता अण्णयरेणं धूवणजाएणं धूवेज्ज वा पधूवेज्ज वा धूवेंतं वा पधूवेंतं वा साइज्जइ ॥ ६८१ ॥ जे भिक्खू अण्णउत्थियस्स वा गारत्थियस्स वा पालुकिमियं वा कुच्छिकिमियं वा अंगुलीए णिवेसिय २ णीहरेइ णीहरेंतं वा साइज्जइ ॥ ६८२ ॥ जे भिक्खु अण्णउत्थियस्स वा गारत्थियस्स वा दीहाओ णहसिहाओ कप्पेज वा संठवेज्ज वा कप्पेतं वा संठवेंतं वा साइज्जइ ॥ ६८३ ॥ जे भिक्खू अण्णउत्थियस्स वा गारत्थियस्स वा दीहाई जंघरोमाईं कप्पेज्ज वा संठवेज वा कप्पेतं वा संठतं वा साइज्जइ ॥ ६८४ ॥ जे भिक्खू अण्णउत्थियस्स वा गारत्थियस्स वा दीहाईं कक्खरोमाई कप्पेज्ज वा संठवेज वा कप्पेतं वा संठवेंतं वा साइज्जइ ॥ ६८५ ॥ जे भिक्खू अण्णउत्थियस्स वा गारत्थियस्स वा दीहाइं मंसुरोमाई कप्पेज्ज वा संठवेज्ज वा कप्पेतं वा संठवेंतं वा साइज्जइ ॥ ६८६ ॥ जे भिक्खू अण्णउत्थियस्स वा गारत्थियस्स वा दीहाइं णासारोमाई कप्पेज्ज वा संठवेज्ज वा कप्पेतं वा संठवेंतं वा साइज्जइ ॥ ६८७ ॥ जे भिक्खू अण्णउत्थियस्स वा गारत्थियस्स वा दीहाई चक्खुरोमाई कप्पेज्ज वा संठवेज्ज वा कप्पेतं वा संठवेंतं वा साइज्जइ ॥ ६८८-१ ॥ जे भिक्खू अण्णउत्थियस्स वा गारत्थियस्स वा दीहाई कण्णरोमाई कप्पेज्ज वा संठवेज्ज वा कप्पेतं वा संठवेंतं वा साइज्जइ ॥ ६८८-२ ॥ भिक्खू अण्णउत्थियस्स वा गारत्थियस्स वा दंते आघंसेज्ज वा पघंसेज्ज वा आघंसंतं वा पघंसंतं वा साइज्जइ ॥ ६८९ ॥ जे भिक्खू अण्णउत्थियस्स वा गारत्थियस्स वा दंते उच्छोलेज वा
८८८