________________
८८२
सुत्तागमे
[णिसीहसुतं हेइ पडिग्गाहेंतं वा साइजइ ॥ ५८८ ॥ जे भिक्खू रण्णो खत्तियाणं मुदियाणं मुद्धाभिसित्ताणं गिरिजत्तापडिणियत्ताणं असणं वा ४ पडिग्गाहेइ पडिग्गाहेंतं वा साइजइ ॥५८९ ॥ जे भिक्खू रण्णो खत्तियाणं मुदियाणं मुद्धाभिसित्ताणं महाभिसेयंसि वमाणंसि णिक्खमइ वा पविसइ वा णिक्खमंतं वा पविसंतं वा साइज्जइ ॥ ५९० ॥ जे भिक्खू रण्णो खत्तियाणं मुदियाणं मुद्धाभिसित्ताणं इमाओ दस अभिसेयाओ रायहाणीओ उद्दिवाओ गणियाओ वजियाओ अंतो मासस्स दुक्खुत्तो वा तिक्खुत्तो वा णिक्खमइ वा पविसइ वा णिक्खमंतं वा पविसंतं वा साइजइ, तंजहा-चंपा महुरा वाणारसी सावत्थी साएयं कंपिल्लं कोसंबी मिहिला हत्थि(णा)णपुरं रायगिहं ॥ ५९१॥ जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स णीहडं पडिग्गाहेइ पडिग्गाहेंतं वा साइज्जइ, तंजहा-खत्तियाण वा राईण वा कुराईण वा रायसंसियाण वा रायपेसियाण वा ॥ ५९२॥ जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स णीहडं पडिग्गाहेइ पडिग्गाहेंतं वा साइनइ, तंजहा-णडाण वा णटाण वा कच्छुयाण वा जल्लाण वा मल्लाण वा मुट्ठियाण वा वेलंबगाण वा कहगाण वा पवगाण वा लासगाण वा दोखलयाण वा छत्ताणुयाण वा ॥५९३॥जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स. णीहडं पडिग्गाहेइ पडिग्गाहेंतं वा साइजइ, तंजहा-आसपोसयाण वा हत्थिपोसयाण वा महिसपोसयाण वा वसहपोसयाण वा सीहपोसयाण वा वग्धपोसयाण वा अयपोसयाण वा पोयपोसयाण वा मिगपोसयाण वा सुण्हपोसयाण वा सूयरपोसयाण वा मेंढपोसयाण वा कुक्कुडपोसयाण वा तित्तिरपोसयाण वा वयपोसयाण वा लावयपोसयाण वा चीर[]ल्लपोसयाण वा हंसपोसयाण वा मऊरपोसयाण वा सुयपोसयाण वा ॥ ५९४ ॥ जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स णीहडं पडिग्गाहेइ पडिग्गाहेंतं वा साइजइ, तंजहा-आस(महा)दमगाण वा हत्थिदमगाण वा ॥ ५९५ ॥ जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स णीहडं पडिग्गाहेइ पडिग्गाहेंतं वा साइजइ, तंजहाआसमिठाण वा हत्थिमिठाण वा ॥ ५९६ ॥ जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स णीहडं पडिग्गाहेइ पडिग्गाहेंतं वा साइजइ, तंजहा-आसरोहाण वा हत्थिरोहाण वा ॥ ५९७ ॥ जे भिक्खू रण्णो खत्तियाणं मुदियाणं मुद्धाभिसित्ताणं असणं वा ४ परस्स णीहडं पडिग्गाहेइ पडिग्गाहेंतं वा साइजइ, तंजहा-सत्थवाहाण वा संवाहावयाण वा अभंगावयाण वा उव्वट्टावयाण वा मज्जावयाण वा मंडावयाण वा छत्तरगहाण वा चमरग्गहाण वा हडप्परगहाण,
