________________
सुत्तागमे
[ओववाइयसुत्तं भगवओ महावीरस्स अदूरसामंते छत्ताईए तित्थयराइसेसे पासंति पासित्ता जाणवाहणाई ठावइंति २ त्ता जाणवाहणेहिंतो पञ्चोरुहंति पच्चोरुहित्ता जेणेव समणे भगवं महावीरे तेणेव उवागच्छंति उवागच्छित्ता समणं भगवं महावीरं तिक्ग्युत्तो आयाहिणं पयाहिणं करेंति करित्ता वंदंति णमंसंति वंदित्ता णमंसित्ता णच्चामण्णे णाइदूरे सुस्सूसमाणा णमंसमाणा अभिमुहा विणएणं पंजलिउडा पन्जुवासंति ॥२६॥ तए णं से पवित्तिवाउए इमीसे कहाए लढे समाणे हट्ट जाव हियए हाए अप्पमहग्घाभरणालंकियसरीरे सयाओ गिहाओ पडिणिक्खमइ सयाओ गिहाओ पडिणिक्खमित्ता चंपाणयरिं मझमज्झेणं जेणेव बाहिरिया सव्वेव हेछिल्ला बत्तव्वया जाव णिसीयइ णिसीइत्ता तस्स पवित्तिवाउयस्स अद्धत्तेरससयसहस्साई पीइदाणं दलयइ २ ता सक्कारेइ सम्माणेइ सक्कारेत्ता सम्माणेत्ता पडिविसज्जेइ ॥ २७ ॥ तए णं से कूणिए राया भंभसारपुत्ते बलवाउयं आमंतेइ आमंतेत्ता एवं बयासीखिप्पामेव भो देवाणुप्पिया ! आभिसेक्कं हत्थिरयणं पडिकम्पेहि, हयगयरहपवरजोहकलियं च चाउरंगिणिं सेणं सण्णाहेहि, सुभद्दापमुहाण य देवीणं बाहिरियाए उवट्ठाणसालाए पाडिएक्कपाडिएक्काइं जत्ताभिमुहाई जुत्ताई जाणाइं उवठ्ठवह, चंपं णयरिं सब्भितरबाहिरियं आसित्तसित्तसुइसम्मट्ठरत्थंतरावणवीहियं मंचाइमंच कलियं णाणाविहरागउच्छियज्झयपडागाइपडागमंडियं लाउलोइयमहियं गोसीससरसरत्तचंदण जाव गंधवट्टिभूयं करेह कारवेह करित्ता कारवेत्ता एयमाणत्तियं पञ्चपिणाहि, निज्जाइस्सामि समणं भगवं महावीरं अभिवंदए ॥ २८ ॥ तए णं से बलवाउए कूणिएणं रण्णा एवं वुत्ते समाणे हतुट्ठ जाव हियए करयलपरिग्गहियं सिरसावत्तं मत्थए अंजलिं कटु एवं वयासी-सामित्ति आणाए विणएणं वयणं पडिसुणेइ २ त्ता हत्थिवाउयं आमंतेइ आमंतेत्ता एवं वयासी-खिप्पामेव भो देवाणुप्पिया ! कृणियस्त रण्णो भंभसारपुत्तस्स आभिसेक्कं हत्थिरयणं पडिकप्पेहि, हयगयरहपवरजोहकलियं चाउरंगिणिं सेणं सण्णाहेहि सण्णाहित्ता एयमाणत्तियं पञ्चप्पिणाहि । तए णं से हत्थिवाउए बलवाउयस्स एयमढे सोच्चा आणाए विणएणं वयणं पडिमुणइ पडिसुणित्ता छेयायरियउवएसमइविकप्पणाविकप्पेहिं सुणिउणेहिं उज्जलणेवत्थहत्थपरिवत्थियं सुसज्जं धम्मियसण्णद्धबद्धकवइयउप्पीलियकच्छवच्छगेवेयबद्धगलवरभूषणविरायंतं अहियतेयजुत्तं सललियवरकण्णपूरविराइयं पलंबउच्चूलमहुयरकयंधयारं चित्तपरिच्छेयपच्छ्यं पहरणावरणभरियजुद्धसजं सच्छत्तं सज्झयं सघंटे सपडागं पंचामलयपरिमंडियाभिरामं ओसारियजमलजुयलघंटे विजुपणद्धं व कालमेहं उप्पाइयपव्वयं व चंकमंत मत्तं गुलगुलंतं मणपवणजइणवेगं भीमं संगामियाओग्गं आभिसेकं हत्थिरयणं
