________________
सुत्तागमे
[ववहारो
धम्मंतेवासी णामेगे णो पव्वावणधम्मंतेवासी, एगे पव्वावणधम्मंतेवासी वि उवट्ठावणमंतेवासी वि, एगे जो पव्वावणधम्मंतेवासी णो उवद्वावणधम्मंतेवासी ॥ २९१ ॥ चत्तारि धम्मंतेवासी पण्णत्ता, तंजहा - उद्देसणधम्मंतेवासी णामेगे णो वायणधम्मंतेवासी, वायणधम्मंतेवासी णामेगे णो उद्देसणधम्मंतेवासी, एगे उद्देसणधम्मंतेवासी वि वायणधम्मंतेवासी वि, एगे णो उद्देसणधम्मंतेवासी णो वायणधम्मंतेवासी ॥ २९२ ॥ तओ थेरभूमीओ पण्णत्ताओ, तंजहा - जाइथेरे सुयथेरे प(वज्जा)रियायथेरे । सट्ठिवा (वरि ) सजाए (समणे णिग्गंथे) जाइथेरे, ( ठाण) समवायंगं जाव सुयधारए सुयथेरे, वीसवासपरियार परियायथेरे ॥ २९३ ॥ तओ सेहभूमीओ पण्णत्ताओ, तं० - सत्तराइंदिया चाउम्मासिया छम्मासिया, छम्मासिया उक्कोसिया, चाउम्मासिया मज्झमिया, सत्तराइणो जहणिया ॥ २९४ ॥ णो कप्पइ णिग्गंथाण वा णिग्गंथीण वा खुड्डगं वा खुड्डियं वा ऊणद्ववासजायं उवट्ठावेत्तए वा संभुंजित्तए वा ॥ २९५ ॥ कप्पइ णिग्गंथाण वा णिग्गंथीण वा खुड्डगं वा खुड्डिड्यं वा साइरेगट्ठवासजायं उट्ठावेत्तए वा संभुंजित्तए वा ॥ २९६ ॥ णो कप्पर णिग्गंथाण वा णिग्गंथीण वा खुड्डगस्स वा खुड्डियाए वा अव्वंजणजायस्स आयारपकप्पे णामं अज्झयणे उद्दित्तिए ॥ २९७ ॥ कप्पर णिग्गंथाण वा णिग्गंथीण वा खुड्डगस्स वा खुड्डियाए वा वंजणजायस्स आयारपकप्पे णामं अज्झयणे उद्दित्तिए ॥ २९८ ॥ तिवासपरियायस्स समणस्स णिग्गंथस्स कप्पर आयारपकप्पे णामं अज्झयणे उद्दि - सित्तए ॥ २९९ ॥ चउवासपरिया ( यस्स ... ) ए कप्पइ सूयगडे णामं अंगे उद्दिसित्तए ॥ ३०० ॥ पंचवासपरियाए कप्पर दसाकप्पववहारे ( णाममज्झयणे) उद्दिसित्तए ॥ ३०१ ॥ अट्ठवासपरियाए कप्पर ठाणसमवाए ( णामं अंगे) उद्दित्तिए ॥ ३०२ ॥ दसवास परियाए कप्पइ वि (वाहे) याहे णामं अंगे उद्दित्तिए ॥ ३०३ ॥ एक्कारसवासपरियाए कप्पइ खुड्डिया विमाणपविभत्ती महल्लिया विमाणपविभत्ती अंगचूलिया व (वं)गचूलिया वियाहचूलिया णामं अज्झयणे उद्दित्तिए ॥ ३०४ ॥ बारसवासपरियाए कप्पइ गरुलोववाए धरणोववाए वेसमणोववाए वेलंधरोववाए णामं अज्झयणे उद्दिसित्तए ॥ ३०५ ॥ तेरसवासपरियाए कप्पर उट्ठाण (सु) परियावणिए समुद्वाणसुए देविंदोववाए णागपरियावणिए णामं अज्झयणे उद्दित्तिए ॥ ३०६ ॥ चोद्द ( चउद) सवासपरियाए कप्पइ सि (सु) मिणभावणा णामं अज्झयणे उद्दिसित्तए ॥ ३०७ ॥ पण्णरसवासपरियाए कप्पर चार ( णा ) णभावणा णामं अज्झयणे उद्दिसित्तए ॥ ३०८ ॥ सोलसवासपरियाए कप्पर तेयणीसंगे णामं अज्झयणे उद्दिसित्तए ॥ ३०९ ॥ सत्तरसवासपरियाए कप्पइ आसीविसभावणा णामं अज्झयणे उद्दिसित्तए
८२८
