________________
उ० १० पडिमादुगं] सुत्तागमे
८२३ तीरिया किट्टिया अणुपालिया भवइ ॥ २६३ ॥ दसदसमिया णं भिक्खुपडिमा एगेणं राइंदियसएणं अद्धछठेहि य भिक्खासएहिं अहासुत्तं अहाकप्पं अहामग्गं अहातच्चं अहासम्म फासिया पालिया तीरिया किट्टिया अणुपालिया भवइ ॥२६४ ॥ दो पडिमाओ पण्णत्ताओ, तंजहा-खुड्डिया वा (चेव) मोयपडिमा महल्लिया वा मोयपडिमा, खुड्डियण्णं मोयपडिमं पडिवण्णस्स अणगारस्स कप्पइ पढ(मेसरद)मणिदाहकालसमयंसि वा चरिमणिदाहकालसमयंसि वा बहिया गामस्स वा जाव रायहाणीए (संणिवेसंसि) वा वर्णसि वा वणदुग्गंसि वा पव्वयंसि वा पव्वयदुग्गंसि वा, भोच्चा आरुभइ चोद्दसमेणं पारेइ, अभोच्चा आरुभइ सोलसमेणं पारेइ, एवं खलु एसा खुड्डिया मोयपडिमा अहासुत्तं जाव अणुपालित्ता भवइ ॥२६५॥ महल्लियण्णं मोयपडिमं पडिवण्णस्स अणगारस्स कप्पइ से पढमणिदाहकालसमयंसि वा चरिमणिदाहकालसमयंसि वा बहिया गामस्स वा जाव रायहाणीए वा वणंसि वा वणदुग्गंसि वा पव्वयंसि वा पव्वयदुग्गंसि वा, भोच्चा आरुभइ, सोलसमेणं पारेइ, अभोच्चा आरुभइ, अट्ठारसमेणं पारेइ, एवं खलु एसा महलिया मोयपडिमा अहासुत्तं जाव अणुपालित्ता भवइ ॥ २६६ ॥ संखादत्तियस्स णं (भिक्खुस्स पडिग्गहधारिस्स गाहावइकुलं पिंडवायपडियाए अणुप्पविट्ठस्स) जावइयं केइ अंतो पडिग्गहंसि उ(वित्ता)वइत्तु दलएजा तावइयाओ (ताओ) दत्तीओ वत्तव्वं सिया, तत्थ से केइ छ[प्प]व्वएण वा दू(दुस्)सएण वा वालएण वा अंतो पडिग्गहंसि उवित्ता दलएजा, सा (सव्वा) वि णं सा एगा दत्ती वत्तव्वं सिया, तत्थ से बहवे भुजमाणा सव्वे ते सयं (२) पिं(डसाहणियं)डं अंतो पडिग्गहंसि उवित्ता दलएज्जा, सव्वा वि णं सा एगा दत्ती वत्तव्वं सिया ॥ २६७ ॥ (संखादत्तियस्स णं भिक्खुस्स) पाणिपडिग्गहियस्स णं (गा०) जावइयं केइ अंतो पाणिंसि उवइत्तु दलएजा तावइयाओ दत्तीओ वत्तव्वं सिया, तत्थ से केइ छव्वएण वा दूसएण वा वालएण वा अंतो पाणिंसि उवित्ता दलएज्जा, सा वि णं सा एगा दत्ती वत्तव्वं सिया, तत्थ से वहवे भुंजमाणा सव्वे ते सयं (..."एग) पिं(ड)डं अंतो पाणिंसि उवित्ता दलएज्जा, सव्वा वि णं सा एगा दत्ती वत्तव्वं सिया ॥ २६८ ॥ तिविहे उवहडे पण्णत्ते, तंजहा-सुद्धोवहडे फलिओवहडे संसट्ठोवहडे ॥ २६९ ॥ तिविहे ओग्गहिए पण्णत्ते, तंजहा-जं च ओगिण्हइ, जं च साहरइ, जं च आसगंसि पक्खिवइ, एगे एवमाहंसु ॥२७० ॥ (एगे पुण एव माहंसु) दुविहे ओग्गहिए पण्णत्ते, तंजहा-जं च ओगिण्हइ, जं च आसगंसि पक्खिवइ ॥२७१॥ त्ति-बेमि ॥ ववहारस्स णवमो उद्देसओ समत्तो ॥९॥
ववहारस्स दसमो उद्देसओ दो पडिमाओ पण्णत्ताओ, तंजहा-जवमज्झा य चंदपडिमा वइरमज्झा य
