________________
रुद्दझाणलक्खणा]
सुत्तागमे किरियाणं संभोगियस्स आभिणिबोहियणाणस्स सुयणाणस्स ओहिणाणस्स मणपजवणाणस्स केवलणाणस्स एएसिं चेव भत्तिबहुमाणे एएसिं चेव वण्णसंजलणया, से तं अणच्चासायणाविणए से तं दंसणविणए । से किं तं चरित्तविणए ? २ पंचविहे पण्णत्ते, तंजहा-सामाइयचरित्तविणए छेदोवट्ठावणियचरित्तविणए परिहारविसुद्धिचरित्तविणए मुहुमसंपरायचरित्तविणए अहक्खायचरित्तविणए, से तं चरित्तविणए । से किं तं मणविणए ? २ दुविहे पण्णत्ते, तंजहा-पसत्थमणविणए अपसत्थमणविणए। से किं तं अपसत्थमणविणए ? २ जे य मणे सावज्जे सकिरिए सककसे कडए णिहरे फरसे अण्हयकरे छेयकरे भेयकरे परितावणकरे उद्दवणकरे भूओवघाइए तहप्पगारं मणो णो पहारेजा, से तं अपसत्थमणोविणए। से किं तं पसत्थमणोविणए ? २ तं चेव पसत्यं णेयव्वं, एवं चेव वइविणओऽवि एएहिं पएहिं चेव णेयव्वो, से तं वइविणए । से किं तं कायविणए ? २ दुविहे पण्णत्ते, तंजहापसत्थकायविणए अपसत्थकायविणए । से किं तं अपसत्थकायविणए ? २ सत्तविहे पण्णत्ते, तंजहा-अणात्तं गमणे अणाउत्तं ठाणे अणाउत्तं निसीयणे अणाउत्तं तुयदृणे अणाउत्तं उल्लंघणे अणाउत्तं पल्लंघणे अणाउत्तं सव्विदियकायजोगजुंजणया, से तं अपसत्थकायविणए । से किं तं पसत्थकायविणए ? २ एवं चेव पसत्थं भाणियव्वं, से तं पसत्थकायविणए, से तं कायविणए । से किं तं लोगोवयारविणए ? २ सत्तविहे पण्णत्ते, तंजहा-अब्भासवत्तियं परच्छंदाणुवत्तियं कजहेउं कयपडिकिरिया अत्तगवेसणया देसकालण्णुया सव्वढेसु अप्पडिलोमया, से तं लोगोवयारविणए, से तं विणए। से किं तं वेयावच्चे ? २ दसविहे पण्णत्ते, तंजहा-आयरियवेयावच्चे उवज्झायवेयावच्चे सेहवेयावच्चे गिलाणवेयावच्चे तवस्सिवेयावच्चे थेरवेयावच्चे साहम्मियवेयावच्चे कुलवेयावच्चे गणवेयावच्चे संघवेयावच्चे, से तं वेयावच्चे । से किं तं सज्झाए ? २ पंचविहे पण्णत्ते, तंजहा-बायणा पडिपुच्छणा परियट्टणा अणुप्पेहा धम्मकहा, से तं सज्झाए । से किं तं झाणे ? २ चउबिहे पण्णत्ते, तंजहा-अदृज्झाणे रुद्दज्झाणे 'धम्मज्झाणे मुक्कज्झाणे, अज्झाणे चउविहे पण्णत्ते, तंजहा-अमणुण्णसंपओगसंपउत्ते तस्स विप्पओगस्सतिसमण्णागए यावि भवइ, मणुण्णसंपओगसंपउत्ते तस्स अविप्पओगस्सतिसमण्णागए यावि भवइ, आयंकसंपओगसंपउत्ते तस्स विप्पओगस्सतिसमण्णागए यावि भवइ, परिजूसियकामभोगसंपओगसंपउत्ते तस्स अविप्पओगस्सतिसमण्णागए यावि भवइ । अस्स णं झाणस्स चत्तारि लक्खणा पण्णत्ता, तंजहाकंदणया सोयणया तिप्पणया विलवणया। रुद्दज्झाणे चउबिहे पण्णत्ते, तंजहा'हिंसाणुबंधी मोसाणुवंधी तेणाणुबंधी सारक्खणाणुबंधी, रुद्दस्स णं झाणस्स चत्तारि
