________________
अ०३ सोमिलसंकप्पो]
सुत्तागमे
७७५
तए णं तस्स सोमिलस्स माहणस्स इमीसे कहाए लट्ठस्स समाणस्स इमे एयारूवे अज्झथिए०-एवं खलु पासे अरहा पुरिसादाणीए पुव्वाणुपुच्चि जाव अम्बसालवणे विहरइ, तं गच्छामि णं पासस्स अरहओ अन्तिए पाउब्भवामि, इमाइं च णं एयारूवाई अट्ठाई हेऊई जहा पण्णत्तीए। सोमिलो निग्गओ खण्डियविहूणो जाव एवं वयासीजत्ता ते भन्ते ! जवणिजं च ते ? पुच्छा । सरिसवया मासा कुलत्था एगे भवं जाव संबुद्धे सावगधम्म पडिवजित्ता पडिगए ॥९५॥ तए णं पासे णं अरहा अन्नया कयाइ वाणारसीओ नयरीओ अम्बसालवणाओ उजाणाओ पडिनिक्खमइ २ त्ता बहिया जणवयविहारं विहरइ । तए णं से सोमिले माहणे अन्नया कयाइ असाहुदंसणेण य अपज्जुवासणयाए य मिच्छत्तपजवेहिं परिवड्डमाणेहिं २ सम्मत्तपनवेहि परिहायमाणेहिं २ मिच्छत्तं च पडिवन्ने ॥ ९६॥ तए णं तस्स सोमिलस्स माहणस्स अन्नया कयाइ पुव्वरत्तावरत्तकालसमयंसि कुडुम्बजागरियं जागरमाणस्स अयमेयारूवे अज्झ- . थिए जाव समुप्पज्जित्था-एवं खलु अहं वाणारसीए नयरीए सोमिले नामं माहणे अञ्चन्तमाहणकुलप्पसूए, तए णं मए वयाई चिण्णाई, वेया य अहीया, दारा आहूया, पुत्ता जणिया, इड्डीओ समाणीयाओ, पसुव[बन]धा कया, जन्ना जेट्ठा, दक्खिणा दिन्ना, अतिही पूइया, अग्गी हूया, जूवा निक्खित्ता, तं सेयं खलु मम इयाणिं कल्लं जाव जलन्ते वाणारसीए नयरीए बहिया बहवे अम्बारामा रोवावित्तए, एवं माउलिङ्गा बिल्ला कविट्ठा चिच्चा पुप्फारामा रोवावित्तए, एवं संपेहेइ २ त्ता कल्लं जाव जलन्ते वाणारसीए नयरीए बहिया अम्बारामे य जाव पुप्फारामे य रोवावेइ । तए णं बहवे अम्बारामा य जाव पुप्फारामा य अणुपुव्वेणं सारक्खिजमाणा संगोविजमाणा संवड्डिजमाणा आरामा जाया किण्हा किण्होभासा जाव रम्मा महामेहनिकुरम्बभूया पत्तिया पुफिया फलिया हरियगरेरिजमाणसिरीया अईव २ उवसोभेमाणा २ चिट्ठन्ति ॥ ९७ ॥ तए णं तस्स सोमिलस्स माहणस्स अन्नया कयाइ पुव्वरत्तावरत्तकालसमयंसि कुडुम्बजागरियं जागरमाणस्स अयमेयारूवे अज्झत्थिए जाव समुप्पजित्था—एवं खलु अहं वाणारसीए नयरीए सोमिले नामं माहणे अचन्तमाहणकुलप्पसूए, तए णं मए वयाइं चिण्णाई जाव जूवा निक्खित्ता, तए णं मए वाणारसीए नयरीए बहिया बहवे अम्बारामा जाव पुप्फारामा य रोवाविया, तं सेयं खलु ममं इयाणिं कल्लं जाव जलन्ते सुबहुं लोह कडाहकडुच्छुयं तम्बियं तावसभण्डं घडावेत्ता विउलं असणं पाणं खाइमं साइमं 'मित्तनाइ ''आमन्तेत्ता तं मित्तनाइनियग० विउलेणं असण० जाव संमाणेत्ता तस्सेव मित्त० जाव जेट्टपुत्तं कुडुम्बे ठवेत्ता तं मित्तनाइ जाव आपुच्छित्ता सुबहुं लोहकडाहकडच्छुयं तम्बियं तावसभण्डगं गहाय जे इमे गङ्गाकूला वाणपत्था
