________________
इंदियपडिसंलीणया]
सुत्तागमे ओमोयरिया ? २ दुविहा पण्णत्ता, तंजहा-दव्वोमोयरिया य भावोमोयरिया य, से किं तं दव्वोमोयरिया ? २ दुविहा पण्णत्ता, तंजहा-उवगरणदव्वोमोयरिया य भत्तपाणदव्वोमोयरिया य । से किं तं उवगरणदव्वोमोयरिया ? २ तिविहा पण्णत्ता, तंजहा-एगे वत्थे एगे पाए चियत्तोवगरणसाइजणया, से तं उवगरणदव्वोमोयरिया। से किं तं भत्तपाणदव्योमोयरिया ? २ अणेगविहा पण्णत्ता, तंजहा-अट्ठपमाणमेत्ते कवले आहारमाणे अप्पाहारे, दुवालसपमाणमेत्ते कवले आहारमाणे अवड्डोमोयरिया, सोलसपमाणमेत्ते कवले आहारमाणे दुभागपत्तोमोयरिया, चउव्वीसपमाणमेत्ते कवले आहारमाणे पत्तोमोयरिया, एकतीसपमाणमेत्ते कवले आहारमाणे किंचूणोमोयरिया बत्तीसपमाणमेत्ते कवले आहारमाणे पमाणपत्ता एत्तो एगेणवि घासेणं ऊणयं आहारमाहारेमाणे समणे णिग्गंथे णो पकामरसभोइत्ति वत्तव्वं सिया, से तं भत्तपाणदव्वोमोयरिया, से तं दव्वोमोयरिया । से किं तं भावोमोयरिया ? २ अणेगविहा पण्णत्ता, तंजहा-अप्पकोहे अप्पमाणे अप्पमाए अप्पलोहे अप्पसद्दे अप्पझंझे, से तं भावोमोयरिया, से तं ओमोयरिया। से किं तं भिक्खायरिया ? २ अणेगविहा पण्णत्ता, तंजहादव्वाभिग्गहचरए वेत्ताभिग्गहचरए कालाभिग्गहचरए भावाभिग्गहचरए उक्खित्तचरए णिक्खित्तचरए उक्खित्तणि क्खित्तचरए णिक्खित्तउक्खित्तचरए वहिजमाणचरए साहरिजमाणचरए उवणीयचरए अवणीयचरए उवणीयअवणीयचरए अवणीयउवणीयचरए संसट्टचरए असंसट्ठचरए तज्जायसंसट्ठचरए अण्णायचरए मोणचरए दिट्ठलाभिए अदिट्टलाभिए पुट्ठलाभिए अपुट्ठलाभिए भिक्खलाभिए अभिक्खलाभिए अण्णगिलायए ओवणिहिए परिमियपिंडवाइए सुद्धेसणिए संखायत्तिए, से तं भिक्खायरिया । से किं तं रसपरिच्चाए ? २ अणेगविहे पण्णत्ते, तंजहा-णिव्वि(य)तिए पणीयरसपरिच्चाए आयंबिलए आयामसित्थभोई अरसाहारे विरसाहारे अंताहारे पंताहारे लहाहारे, से तं रसपरिच्चाए । से कि तं कायकिलेसे? २ अणेगविहे पण्णत्ते, तंजहा-ठाणढिइए ठाणाइए उक्कुडुआसणिए पडिमट्ठाई वीरासणिए नेसज्जिए दंडायए लउडसाई आयावए अवाउडए अकंडुयए अणिट्ठहए सव्वगायपरिकम्मविभूसविप्पमुक्के से तं कायकिलेसे । से किं तं पडिसंलीणया? २ चउव्विहा पण्णत्ता, तंजहा-इंदियपडिसंलीणया कसायपडिसलीणया जोगपडिसंलीणया विवित्तसयणासणसेवणया, से किं तं इंदियपडिसंलीणया ? २ पंचविहा पण्णत्ता, तंजहा-सोइंदियविसयप्पयार. निरोहो वा सोइंदिय विसयपत्तेसु अत्थेसु रागदोसनिग्गहो वा चक्खिदियविसप्यपयारनिरोहो वा चक्खिदियविसयपत्तेसु अत्थेमु रागदोसनिग्गहो वा घाणिंदियविसयप्पया. रनिरोहो वा घाणिंदियविसयपत्तेसु अत्थेसु रोगदोसनिग्गहो वा जिभिदियविसयप्प
