________________
पा० १० पा० १५ तिहीभेया] सुत्तागमे
७१३ ता कहं ते देवयाणं अज्झयणा आहिताति वएजा ? ता एएसि णं अट्ठावीसाए णक्खत्ताणं अभिईणक्खत्ते किंदेवयाए पण्णत्ते ? ता बंभदेवयाए पण्णत्ते, सवणे० विण्हु०, धणिट्ठाणक्खत्ते वसुदेवयाए०, सयभिसयाणक्खत्ते वरुण०, पुव्वापोट्ठ० अयदे०, उत्तरापोठुवयाणक्खत्ते अभिवड्डि०, एवं सव्वेवि पुच्छिजंति, रेवई पुस्सदेवया०, अस्सिणी अस्सदेवया०, भरणी जमदेवया०, कत्तिया अग्गिदेवया०, रोहिणी पयावइदेवया०, संठाणा सोमदेवयाए०, अद्दा रुद्ददेवयाए०, पुणव्वसू अदिति०, पुस्सो बहस्सइ०, अस्सेसा सप्प०, महा पिइ०, पुव्वाफग्गुणी भग०, उत्तराफरगुणी अजम०, हत्थे सविया०, चित्ता तट्ठ०. साई वाउ०, विसाहा इंदग्गी०, अणुराहा मित्त०, जेट्ठा इंद०, मूले णिरइ०, पुव्वासाढा आउ०, उत्तरासाढा० विस्सदेवयाए पण्णत्ते ॥४४॥ दसमस्स पाहुडस्स बारसमं पाहुडपाहुडं समत्तं ॥ १०-१२ ॥ __ता कहं ते मुहुत्ताणं नामधेज्जा आहिताति वएज्जा ? ता एगमेगस्स णं अहोरत्तस्स तीसं मुहत्ता प०, तंजहा-रुद्दे सेए मित्ते वाउ सुगी(पी)ए तहेव अभिचंदे । माहिंद बलव बंभे बहुसच्चे चेव ईसाणे ॥ १॥ तढे य भावियप्पा वेसमणे वारुणे य आणंदे । विजए य वीससेणे पयावई चेव उवसामे ॥ २ ॥ गंधव्व अग्गिवेसे सयरिसहे आयवं च अममे य । अणवं भोमे रिसहे सव्वढे रक्खसे चेव ॥ ३ ॥ ४५ ॥ दसमस्स पाहुडस्स तेरसमं पाहुडपाहुडं समत्तं ॥ १०-१३॥
ता कहं ते दिवसा आहिताति वएज्जा ? ता एगमेगस्स णं पक्खस्स पण्णरस दिवसा पण्णत्ता, तं०-पडिवादिवसे बिइयादिवसे जाव पण्णरसीदिवसे, ता एएसि णं पण्णरसण्हं दिवसाणं पण्णरस णामधेज्जा प०, तं०-पुव्वंगे सिद्धमणोरमे य तत्तो मणोरहे(हरे) चेव । जसभद्दे य जसोधर य सव्वकामसमिद्धे ॥१॥ इंदमुद्धाभिसित्ते य सोमणस धणंजए य बोद्धव्वे । अत्थसिद्ध अभिजाए अच्चसणे सयंजए चेव ॥ २ ॥ अग्गिवेसे उवसमे दिवसाणं णामधेज्जाइं । ता कहं ते राईओ आहिताति वएज्जा ? ता एगमेगस्स णं पक्खस्स पण्णरस राईओ पण्णत्ताओ, तंजहा-पडिवाराई बिइयाराई जाव पण्णरसीराई, ता एयासि णं पण्णरसण्हं राईणं पण्णरस णामधेजा पण्णत्ता, तं०-उत्तमा य सुणक्खत्ता, एलावच्चा जसोधरा। सोमणसा चेव तहा सिरिसंभूया य बोद्धव्वा ॥१॥ विजया य वेजयंति जयंति अपराजिया य इच्छा य। समाहारा चेव तहा तेया य तहा य अइतेया ॥ १ ॥ देवाणंदा णिरई रयणीणं णामधेजाई ॥ ४६ ॥ दसमस्स पाहुडस्स चउद्दसमं पाहुडपाहुडं समत्तं ॥ १०-१४॥
ता कहं ते तिही आहितेति वएज्जा ? तत्थ खल्लु इमा दुविहा तिही पण्णत्ता,
