________________
सुत्तागमे
६८६
[चंदपण्णत्ती जोयणाई विक्खंभेणं, एस णं अद्धा तेसीयसयपडुप्पण्णो पंचदसुत्तरे जोयणसए आहिताति वएज्जा, ता अभितराओ मंडलवयाओ बाहिरं मंडलवयं बाहिराओ वा. अभितरं मंडलवयं एस णं अद्धा केवइयं आहिताति वएज्जा ? ता पंचदसुत्तरजोयणसए आहिताति वएज्जा, ता अभितराए मंडलवयाए बाहिरा मंडलवया बाहिराओ मंडलवयाओ अभितरा मंडलवया एस णं अद्धा केवइयं आहिताति वएज्जा ? ता पंचदसुत्तरे जोयणसए अडयालीसं च एगढिभागे जोयणस्स आहिताति वएज्जा, ता अभंतराओ मंडलवयाओ बाहिरमंडलवया बाहिराओ० अब्भंतरमंडलवया एस णं अद्धा केवइयं आहिताति वएजा ? ता पंचणवुत्तरे जोयणसए तेरस य एगट्ठिभागे जोयणस्स आहिताति वएज्जा, ता अभितराए मंडलवयाए बाहिरा मंडलवया बाहिराए मंडलवयाए अब्भितरमंडलवया एस णं अद्धा केवइयं आहिताति वएज्जा ? ता पंचदसुत्तरे जोयणसए आहिताति वएजा ॥ १८॥ पढमस्स पाहुडस्स अट्रमं पाहुडपाहुडं समत्तं ॥ १-८॥ पढमं पाहुडं समत्तं ॥१॥ ___ता कहं तेरिच्छगई आहिताति वएज्जा ? तत्थ खलु इमाओ अट्ठ पडिवत्तीओ पण्णत्ताओ, तं०-तत्थेगे एवमाहंसु-ता पुरच्छिमाओ लोयंताओ पाओ मरीई आगासंसि उत्तिइ, से णं इमं तिरियं लोयं तिरियं करेइ तिरियं करेत्ता पच्चत्थिमंसि लोयंतसि सायंमि रायं आगासंसि विद्धंसइ एगे एवमाहंसु १, एगे पुण एवमाहंसु-ता पुरच्छिमाओ लोयंताओ पाओ सूरिए आगासंसि उत्तिट्टइ, से णं इमं तिरियं लोयं तिरियं करेइ करित्ता पञ्चत्थिमंसि लोयंतंसि सूरिए आगासंसि विद्धंसइ एगे एवमाहंसु २, एगे पुण एवमाहंसु-ता पुरत्थिमाओ लोयंताओ पाओ सूरिए आगासंसि उत्तिट्ठइ, से णं इमं तिरियं लोयं तिरियं करेइ करित्ता पञ्चत्थिमंसि लोयंसि सायं सूरिए आगासं अणुपविसइ २ त्ता अहे पडियागच्छइ अहे पडियागच्छेत्ता पुणरवि अवरभूपुरत्थिमाओ लोयंताओ पाओ सूरिए आगासंसि उत्तिइ एगे एवमाहंसु ३, एगे पुण एवमाहंसु-ता पुरथिमाओ लोगंताओ पाओ सूरिए पुढविकायंसि उत्तिट्ठइ, से णं इमं तिरियं लोयं तिरियं करेइ करेत्ता पचत्थिमिल्लंसि लोयंतंसि सायं सूरिए पुढविकायंसि विद्धंसइ एगे एवमाहंसु ४, एगे पुण एवमाहंसु-ता पुरथिमाओ लोयंताओ पाओ सूरिए पुढविकायंसि उत्तिइ, से णं इमं तिरियं लोयं तिरियं करेइ करेत्ता पञ्चत्थिमंसि लोयंतंसि सायं सूरिए पुढविकायंसि अणुपविसइ अणुपविसित्ता अहे पडियागच्छइ २ त्ता पुणरवि अवरभूपुरत्थिमाओ लोयंताओ पाओ सूरिए पुढविकायंसि उत्तिइ एगे एवमाहंसु ५, एगे पुण एवमाहंसु-ता पुरथिमिल्लाओ लोयंताओ पाओ सूरिए आउकायंसि उत्तिठ्ठइ, से णं इमं तिरियं लोयं तिरियं करेइ करेत्ता पच्चत्थिमंसि लोयंतंसि
