________________
सुत्तागमे
[ चंदपण्णत्ती
आइञ्चवार १८ मासा १९ य, पंच संवच्छरा इय २० ॥ १८ ॥ जोइसस्स य दाराई २१, णक्खत्तविजए विय २२ । दसमे पाहुडे एए, बावीसं पाहुडपाहुडा ॥ १९ ॥ तेणं कालेणं तेणं समएणं मिहिला णामं णयरी होत्था रिद्धत्थिमियसमिद्धा पमुइयजणजाणवया···पासादीया ४ ॥ १ ॥ तीसे णं मिहिलाए णयरीए बहिया उत्तरपुरच्छिमे दिसीभाए माणिभद्दे णामं उज्जाणे होत्था वण्णओ ॥ २ ॥ तीसे णं मिहिलाए
ए जियसत्तू णामं या होत्था वण्णओ ॥ ३ ॥ तस्स णं जियसत्तुस्स रणो धारिणी णामं देवी होत्था वण्णओ ॥ ४ ॥ तेणं कालेणं तेणं समएणं तम्मि उज्जाणे सामी समोसढे, परिसा णिग्गया, धम्मो कहिओ, परिसा पडिगया जाव राया जामेव दिसिं पाउब्भूए तामेव दिसिं पडिगए ॥ ५ ॥ तेणं कालेणं तेणं समएणं समणस्स भगवओ महावीरस्स जेट्ठे अंतेवासी इंदभूई णामं अणगारे गोयमे गोत्तेणं सत्तुस्सेहे समचउरंससंठाणसंठिए वज्जरिसहणारायसंघयणे जाव एवं वयासी - ता कहं ते वड्ढोवड्ढी मुहुत्ताणं आहितेति वएज्जा ? ता अट्ठएगूणवीसे मुहुत्तसए सत्तावीसं च सद्विभागे मुहुत्तस्स आहितेति वएज्जा ॥ ६ ॥ ता जया णं सुरिए सव्वब्भंतराओ मंडलाओ सव्वबाहिरं मंडलं उवसंकमित्ता चारं चरइ सव्वबाहिराओ मंडलाओ सव्वब्भंतरं मंडलं उवसंकमित्ता चारं चरइ एस णं अद्धा केवइयं राइंदियग्गेणं आहितेति वएज्जा ? ता तिण्णि छावट्ठे राईदियसए राईदियग्गेणं आहितेति वएजा ॥ ७ ॥ ता एयाए अद्धाए सूरिए कई मंडलाई चरइ, कइ मंडलाई दुक्खुत्तो चरइ, कइ मंडलाई एगक्खुत्तो चरइ ? ता चुलसीयं मंडलसयं चरइ, बासी मंडलसयं दुक्खुत्तो चरइ, तंजहा - णिक्खममाणे चेव पविसमाणे चेव, दुवे य खलु मंडलाई सई चरई, तंजहा - सव्वब्भंतरं चेव मंडलं सव्वबाहिरं चेव मंडलं ॥ ८ ॥ जइ खलु तस्सेव आइबस्स संवच्छरस्स सयं अट्ठारसमुहुत्ते दिवसे भवइ स अट्ठारसमुहुत्ता राई भवइ सयं दुवालसमुहुत्ते दिवसे भवइ सई दुवालसमुहुत्ता राई भवर, पढमे छम्मासे अत्थि अट्ठारसमुहुत्ता राई, णत्थि अट्ठारसमुहुत्ते दिवसे, अत्थि दुवालसमुहुत्ते दिवसे, णत्थि दुवालसमुहुत्ता राई भवइ, दोचे छम्मा अत्थि अट्ठारसमुहुत्ते दिवसे, णत्थि अट्ठारसमुहुत्ता राई, अत्थि दुवालसमुहुत्ता राई, णत्थि दुवालसमुहुत्ते दिवसे भवइ, पढमे वा छम्मासे दोच्चे वा छम्मासे णत्थि पण्णरसमुहुत्ते दिवसे भवइ, णत्थि पण्णरसमुहुत्ता राई भवइ, तत्थ णं कं हेडं वजा ? ता अण्णं जंबूदीवे २ सव्वदीवसमुद्दाणं सव्वब्भंतराए जाव विसेसा - हिए परिक्खेवेणं पण्णत्ते, ता जया णं सूरिए सव्वब्भंतरमंडलं उवसंकमित्ता चारं चरइ तथा णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया
६७४
