________________
६६४
सुत्तागमे
[जंबुद्दीवपण्णत्ती
दो-हत्थे चित्ता य, कत्तिइण्णं दो-साई विसाहा य, मग्गसिरिणं तिण्णि-अणुराहा जेट्ठा मूलो य, पोसिणं दो-पुव्वासाढा उत्तरासाढा, माहिण्णं तिण्णि-अभिई सवणो धणिट्ठा, फग्गुणिं णं तिण्णि-सयभिसया पुव्वभद्दवया उत्तरभद्दवया, चेत्तिण्णं दो-रेवई अस्सिणी य, वइसाहिण्णं दो-भरणी कत्तिया य, जेट्ठामूलिण्णं दो-रोहिणी मग्गसिरं च, आसाढिण्णं तिण्णि-अद्दा पुणव्वसू पुस्सो इति । साविट्टिण्णं भंते ! अमावासं किं कुलं जोएइ उवकुलं जोएइ कुलोवकुलं जोएइ ? गोयमा ! कुलं वा जोएइ उवकुलं वा जोएइ णो लब्भइ कुलोवकुलं, कुलं जोएमाणे महाणक्खत्ते जोएइ उवकुलं जोएमाणे अस्सेसाणक्खत्ते जोएइ, साविट्ठिण्णं अमावासं कुलं वा जोएइ उवकुलं वा जोएइ, कुलेण वा जुत्ता उवकुलेण वा जुत्ता साविट्ठी अमावासा जुत्तत्ति वत्तव्वं सिया, पोट्ठवइण्णं भंते ! अमावासं तं चेव दो जोएइ कुलं वा जोएइ उवकुलं०, कुलं जोएमाणे उत्तराफग्गुणी णक्खत्ते जोएइ उव० पुव्वाफग्गुणी, पोट्ठवइण्णं अमावासं जाव वत्तव्वं सिया, मग्गसिरिणं तं चेव कुलं मूले णक्खत्ते जोएइ उ० जेट्ठा कुलोवकुलं अणुराहा जाव जुत्तत्ति वत्तव् सिया, एवं माहीए फग्गुणीए आसाढीए कुलं वा उवकुलं वा कुलोवकुलं वा, अवसेसियाणं कुलं वा उवकुलं वा जोएइ ॥ जया णं भन्ते ! साविट्ठी पुण्णिमा भवइ तया णं माही अमावासा भवइ जया णं माही पुणिमा भवइ तया णं साविट्ठी अमावासा भवइ ? हंता गोयमा ! जया. णं साविट्ठी तं चेव वत्तव्वं, जया णं भन्ते ! पोट्ठवई पुण्णिमा भवइ तया णं फग्गुणी अमावासा भवइ जया णं फरगुणी पुण्णिमा भवइ तया णं पोट्ठवई अमावासा भवइ ? हंता गोयमा ! तं चेव, एवं एएणं अभिलावेणं इमाओ पुण्णिमाओ अमावासाओ णेयवाओ-अस्सिणी पुण्णिमा चेत्ती अमावासा कत्तिगी पुण्णिमा वइसाही अमावासा मग्गसिरी पुणिमा जेट्ठामूली अमावासा पोसी पुण्णिमा आसाढी अमावासा ॥ १६१ ॥ वासाणं भंते ! पढमं मासं कइ णक्खत्ता णेति ? गोयमा ! चत्तारि णक्खत्ता ऐति, तं०-उत्तरासाढा अभिई सवणो धणिट्ठा, उत्तरासाढा चउद्दस अहोरत्ते णेइ, अभिई सत्त अहोरत्ते णेइ, सवणो अट्ठऽहोरत्ते णेइ, धणिट्ठा एगं अहोरत्तं णेइ, तंसि च णं मासंसि चउरंगुलपोरिसीए छायाए सूरिए अणुपरियट्टइ, तस्स णं मासस्स चरिमदिवसे दो पया चत्तारि य अंगुला पोरिसी भवइ । वासाणं भन्ते ! दोच्चं मासं कइ णक्खत्ता णेति ? गोयमा ! चत्तारि०, तं०-धणिट्ठा सयभिसया पुव्वाभद्दवया उत्तराभवया, धणिट्ठा णं चउद्दस अहोरत्ते णेइ, सयभिसया सत्त अहोरत्ते णेइ, पुव्वाभवया अट्ठ अहोरत्ते णेइ, उत्तराभदवया एग०, तंसि च णं मासंसि अटुंगुलपोरिसीए छायाए सूरिए अणुपरियटइ, तस्स णं मासस्स चरिमे दिवसे दो पया अट्ठ य अंगुला
