________________
सुत्तागमे
[जंबुद्दीवपण्णत्ती
खिप्पामेव विजुयायंति २ ता खिप्पामेव जुगमुसलमुट्ठिप्पमाणमेत्ताहिं धाराहिं
ओघमेघ सत्तरत्तं वासं वासिउं पवत्ता यावि होत्था ॥ ५८ ॥ तए णं से भरहे राया उप्पिं विजयक्खंधावारस्स जुगमुसलमुट्टिप्पमाणमेत्ताहिं धाराहिं ओघमेघ सत्तरत्तं वासं वासमाणं पासइ २ त्ता चम्मरयणं परामुसइ, तए णं तं सिरिवच्छसरिसरुवं वेढो भाणियव्वो जाव दुवालसजोयणाई तिरियं पवित्थरइ तत्थ साहियाई, तए णं से भरहे राया सखंधावारबले चम्मरयणं दुरूहइ २ त्ता दिव्वं छत्तरयणं परामुसइ, तए णं णवणउइसहस्सकंचणसलागपरिमंडियं महरिहं अउज्झं णिव्वणसुपसत्थविसिट्ठलट्ठकंचणसुपुट्ठदंडं मिउराययवट्टलट्ठअरविंदकण्णियसमाणरूवं. वत्थिपएसे य पंजरविराइयं विविहभत्तिचित्तं मणिमुत्तपवालतत्ततवणिजपंचवणियधोयरयणरूवरइयं रयणमरीईसमोप्पणाकप्पकारमणुरंजिएल्लियं रायलच्छिचिं, अजुणसुवण्णपंडुरपञ्चत्युयपट्ठदेसभागं तहेव तवणिजपट्टधम्मतपरिगयं अहियसस्सिरीयं सारयरयणियरविमलपडिपुण्णचंदमंडलसमाणरूवं णरिंदवामप्पमाणपगइवित्थडं कुमुयसंडधवलं रण्णो संचारिमं विमाणं सूरायववायवुट्ठिदोसाण य खयकरं तवगुणेहिं लद्धंअहयं बहुगुणदाणं उऊण विवरीयसुहकयच्छायं । छत्तरयणं पहाणं सुदुल्लहं अप्पपुण्णाणं ॥ १ ॥ पमाणराईण तवगुणाण फलेगदेसभागं विमाणवासेवि दुलहतरं वग्धारियमल्लदामकलावं सारयधवलब्भरययणिगरप्पगासं दिव्वं छत्तरयणं महिवइस्स धरणियलपुण्णइंदो । तए णं से दिव्वे छत्तरयणे भरहेणं रण्णा परामुढे समाणे खिप्पामेव दुवालस जोयणाई पवित्थरइ साहियाइं तिरियं ॥ ५९ ॥ तए णं से भरहे राया छत्तरयणं खंधावारस्सुवरिं ठवेइ २ त्ता मणिरयणं परामुसइ वेढो जाव छत्तरयणस्स वत्थिभागंसि ठवेइ, तस्स य अणइवरं चारुरूवं सिलणिहिअत्थमंतमेत्तसालिजवगोहूममुग्गमासतिलकुलत्थसट्ठिगनिप्फावचणगकोदवकोत्थंभरिकंगुवरगरालगअणेगधण्णावरणहारियगअल्लगमूलगहलिद्दलाउयतउसतुंबकालिंगकविठ्ठअंबअंबिलियसव्वणिप्फायए सुकुसले गाहावइरयणेत्ति सव्वजणवीसुयगुणे । तए णं से गाहावइरयणे भरहस्स रण्णो तद्दिवसप्पइण्णणिप्फाइयपूइयाणं सव्वधण्णाणं अणेगाई कुंभसहस्साइं उवट्ठवेइ, तए णं से भरहे राया चम्मरयणसमारूढे छत्तरयणसमोच्छण्णे मणिरयणकउज्जोए समुग्गयभूएणं सुहंसुहेणं सत्तरत्तं परिवसइ–णवि से खुहा ण विलियं णेव भयं णेव विजए दुक्खं । भरहाहिवस्स रण्णो खंधावारस्सवि तहेव ॥१॥६० ॥ तए णं तस्स भरहस्स रण्णो सत्तरत्तंसि परिणममाणंसि इमेयारूवे अब्भत्थिए चिंतिए पत्थिए मणोगए संकप्पे समुप्पजित्था केस णं भो ! अपत्थियपत्थए दुरंतपंतलक्खणे जाव परिवजिए जे णं ममं इमाए एयाणुरूवाए जाव
