________________
व० २ उ० अंतेवासी] सुत्तागमे मरणे निरवकंखे संसारपारगामी कम्मसंगणिग्घायणट्ठाए अब्भुट्ठिए विहरइ। तस्स णं भगवंतस्स एएणं विहारेणं विहरमाणस्स एगे वाससहस्से विइक्ते समाणे पुरिमतालस्स णयरस्स बहिया सगडमुहंसि उजाणंसि णग्गोहवरपायवस्स अहे झाणंतरियाए वमाणस्स फग्गुणबहुलस्स इक्कारसीए पुव्वण्हकालसमयंसि अट्ठमेणं भत्तेणं अपाणएणं उत्तरासाढाणक्खत्तेणं जोगमुवागएणं अणुत्तरेणं नाणेणं जाव चरित्तेणं अणुत्तरेणं तवेणं बलेणं वीरिएणं आलएणं विहारेणं भावणाए खंतीए गुत्तीए मुत्तीए तुट्ठीए अजवेणं मद्दवेणं लाघवेणं सुचरियसोवचियफलनिव्वाणमग्गेणं अप्पाणं भावेमाणस्स अणंते अणुत्तरे णिव्वाघाए णिरावरणे कसिणे पडिपुण्णे केवलवरनाणदंसणे समुप्पण्णे जिणे जाए केवली सव्वष्णू सव्वदरिसी सणेरइयतिरियणरामरस्स लोगस्स पज्जवे जाणइ पासइ, तंजहा-आगइं गई ठिइं उववायं भुत्तं कडं पडिसेवियं आवीकम्म रहोकम्मं तं तं कालं मणवयकाए जोगे एवमाई जीवाणवि सव्वभावे अजीवाणवि सव्वभावे मोक्खमग्गस्स विसुद्धतराए भावे जाणमाणे पासमाणे एस खलु मोक्खमग्गे मम अण्णेसिं च जीवाणं हियसुह णिस्सेसकरे सव्वदुक्खविमोक्खणे परमसुहसमाणणे भविस्सइ । तए णं से भगवं समणाणं णिग्गंथाण य णिग्गंथीण य पंच महव्वयाई सभावणगाइं छच्च जीवणिकाए धम्मं देसमाणे विहरइ, तंजहा-पुढविकाइए भावणागमेणं पंच महव्वयाई सभावणगाइं भाणियव्वाइं। उसभस्स णं अरहओ कोसलियस्स चउरासी गणा गणहरा होत्था, उसभस्स णं अरहओ कोसलियस्स उसभसेणपामोक्खाओ चुलसीइं समणसाहस्सीओ उक्कोसिया समणसंपया होत्था, उसभस्स णं० बंभीसुंदरीपामोक्खाओ तिण्णि अज्जियासयसाहस्सीओ उक्कोसिया अज्जियासंपया होत्था, उसभस्स णं० सेजंसपामोक्खाओ तिण्णि समणोवासगसयसाहस्सीओ पंच य साहस्सीओ उकोसिया समणोवासगसंपया होत्था, उसभस्स णं० सुभद्दापामोक्खाओ पंच समणोवासियासयसाहस्सीओ चउपण्णं च सहस्सा उक्कोसिया समणोवासियासंपया होत्था, उसभस्स णं अरहओ कोसलियस्स अजिणाणं जिणसंकासाणं सव्वक्खरसण्णिवाईणं जिणो विव अवितहं वागरमाणाणं चत्तारि चउद्दसपुव्वीसहस्सा अट्ठमा य सया उक्कोसिया चउदसपुव्वीसंपया होत्था, उसभस्स णं० णव ओहिणाणिसहस्सा उक्कोसिया०, उसभस्स गं० वीसं जिणसहस्सा० वीसं वेउव्वियसहस्सा छच्च सया उक्कोसिया. बारस विउलमईसहस्सा छच्च सया पण्णासा० बारस वाईसहस्सा छच्च सया पण्णासा०, उसभस्स णं० गइकल्लाणाणं ठिइकल्लाणाणं आगमेसिभद्दाणं बावीसं अणुत्तरोववाइयाणं सहस्सा णव य सया०, उसभस्स णं० वीसं समणसहस्सा सिद्धा, चत्तालीसं अजियासहस्सा सिद्धा, सट्टि अंतेवासीसहस्सा सिद्धा, उसभस्स णं
