________________
व०२ मणुईवण्णणा]
सुत्तागमे
५४५
खजरीवणाई णालिएरीवणाई कुसविकुसविसुद्धरुक्खमूलाई जाव चिट्ठति, तीसे णं समाए भरहे वासे तत्थ तत्थ 'बहवे सेरियागुम्मा णोमालियागुम्मा कोरंटयगुम्मा बंधजीवगगुम्मा मणोजगुम्मा बीयगुम्मा बाणगुम्मा कणइरगुम्मा कुजायगुम्मा सिंदवारगुम्मा भोग्गरगुम्मा जूहियागुम्मा मल्लियागुम्मा वासंतियागुम्मा वत्थुलगुम्मा कत्थुलगुम्मा सेवालगुम्मा अगत्थिगुम्मा मगदंतियागुम्मा चंपगगुम्मा जाईगुम्मा णवणीइयागुम्मा कुंदगुम्मा महाजाइगुम्मा रम्मा महामेहणिउरंबभूया दसद्धवण्णं कुसुमं कुसुमेंति जे णं भरहे वासे बहुसमरमणिजं भूमिभागं वायविधुयग्गसाला मकपुप्फपुंजोवयारकलियं करेंति, तीसे णं समाए भरहे वासे तत्थ २. तहिं तहिं बहईओ पउमलयाओ जाव सामलयाओ णिच्चं कुसुमियाओ जाव लयावण्णओ, तीसे णं समाए भरहे वासे तत्थ २ . "तहिं २ बहुईओ वणराईओ पण्णत्ताओ, किण्हाओ किण्होभासाओ जाव मणोहराओ रयमत्तगछप्पयकोरगभिंगारगकोंडलगजीवंजीवगनंदीमुहकविलपिंगलक्खगकारंडवचक्कवायगकलहंसहंससारसअणेगसउणगणमिहुणपवियरियाओ सढुण्णइयमहुरसरणाइयाओ संपिंडिय० णाणाविहगुच्छ० वावीपुक्ख'रिणीदीहियासु अ सुणि० विचित्त० अभित० साउ० णिरोगक० सव्वोउयपुप्फफलसमिद्धाओ पिंडिम जाव पासाइयाओ ४ । तीसे णं समाए भरहे वासे तत्थ तत्थ तहिं तहिं मत्तंगा णामं दुमगणा पण्णत्ता, से जहा० चंदप्पभा जाव छण्णपडिच्छण्णा चिटुंति, एवं जाव अणिगणा णामं दुमगणा पण्णत्ता ॥२०॥ तीसे णं भंते ! समाए भरहे वासे मणुयाणं केरिसए आयारभावपडोयारे 'पण्णत्ते? गो०! ते णं मणुया सुपइट्ठियकुम्मचारुचलणा जाव लक्खणवंजणगुणोववेया सुजायसुविभत्तसंगयंगा पासादीया जाव पडिरूवा । तीसे णं भंते ! समाए भरहे वासे मणुईणं केरिसए आयारभावपडोयारे पण्णत्ते ? गो० ! ताओ णं मणुईओ सुजायसव्वंगसुंदरीओ पहाणमहिलागुणेहिं जुत्ताओ अइकंतविसप्पमाणमउयाओ सुकुमालकुम्मसंठियविसिट्ठचलणाओ उज्जुमउयपीवरसुसाहयंगुलीओ अब्भुण्णयरइयतलिणतंबसुइणिद्धणक्खाओ रोमरहियवट्टलट्ठसंठियअजहण्णपसत्थलक्खणअकोप्पजंघजुयलाओ सुणिम्मियसुगूढसुजण्णुमंडलसुबद्धसंधीओ कयलीखंभाइरेगसंठियणिव्वणसुकुमालमउयमंसलअविरलसमसंहियसुजायवट्टपीवरणिरंतरोरू अट्ठावयवीइयपट्ठसंठियपसत्थविच्छिण्णपिहुलसोणीओ वयणायामप्पमाणदुगुणियविसालमंसलसुबद्धजहणवरधारिणीओ वज्जविराइयपसत्थलक्खणनिरोदरतिवलियवलियतणुणयमज्झिमाओ उजुयसमसहियजच्चतणुकसिणणिद्धआइजलडहसुजायसुविभत्तकंतसोभतरुइलरमणिज्जरोमराईओ गंगावत्तपयाहिणावत्ततरंगभंगुररविकिरणतरुणबोहियआकोसायंतपउमगं
३५ सुत्ता
