________________
[ जंबुद्दीवपण्णत्ती
जहाणामए-आलिंगपुक्खरेइ वा जाव णाणाविहपंचवण्णेहिं मणीहिं उवसोभिए जाव वावीओ पुक्खरिणीओ जाव वाणमंतरा देवा य देवीओ य आसयंति जाव भुंजमाणा विहरंति, जंबुद्दीवे णं भंते! दीवे भारहे वासे वेयड्डपव्वए कइ कूडा प० ? गो० ! णव कूडा प०, तं० - सिद्धकूडे १ दाहिणड्डूभरहकूडे २ खंडप्पवायगुहाकूडे ३ माणिभद्दकूडे ४ वेयढकूडे ५ पुण्णभद्दकूडे ६ तिमिसगुहाकूडे ७ उत्तरड्डभरहकूडे ८ वेसमणकूडे ९ ॥ १२ ॥ कहि णं भंते ! जंबुद्दीवे २ भारहे वासे वेयपव्वए सिद्धकूडे णामं कूडे पण्णत्ते ? गो० ! पुरच्छिमलवणसमुद्दस्स पच्चच्छिमेणं दाहिणड्डूभरहकूडस्स पुरच्छिमेणं एत्थ णं जंबुद्दीवे दीवे भारहे वासे वेयड्ढे पव्वए सिद्धकूडे णामं कूडे पण्णत्ते, छ सकोसाई जोयणाई उड्डुं उच्चत्तेणं मूले छ सक्कोसाई जोयणाई विक्खंभेणं मज्झे देसूणाई पंच जोयणाइं विक्खंभेणं उवरि साइरेगाईं तिण्णि जोयणाई विक्खंभेणं मूले देसूणाई बावीसं जोयणाई परिक्खेवेणं मज्झे देसूणाईं पण्णरस जोयणाईं परिक्खेवेणं उवरिं साइरेगाईं णव जोयणाईं परिक्खेवेणं, मूले विच्छिण्णे मज्झे संखित्ते उप्पिं तणुए गोपुच्छसंठाणसंठिए; सव्वरयणामए अच्छे सण्हे जाव पडिरूवे । से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते, पमाणं वणओ दोण्हंपि, सिद्धकूडस्स णं उप्पि बहुसमरमणिजे भूमिभागे पण्णत्ते से जहाणामएआलिंगपुक्खरेइ वा जाव वाणमंतरा देवा य जाव विहरति ॥ १३ ॥ कहि णं भंते ! वेयढे पव्वए दाहिणभरहकूडे णामं कूडे पण्णत्ते ? गो० ! खंडप्पवाकूडस्स पुरच्छिमेणं सिद्धकूडस्स पञ्चच्छिमेणं एत्थ णं वेयड्ढपव्वए दाहिणड्डूभरहकूडे णामं कूडे पण्णत्ते, सिद्धकूडप्पमाणसरिसे जाव तस्स णं बहुसमरमणिजस्स भूमिभागस्स बहुमज्झदेसभाए एत्थ णं महं एगे पासायवडिसए पण्णत्ते, कोसं उद्धुं उच्चत्तेर्णं अद्धकोसं विक्खंभेणं अब्भुग्गयमूसियपहसिए जाव पासाईए ४, तस्स णं पासायवडिंसगस्स बहुमज्झदेसभाए एत्थ णं महं एगा मणिपेढिया पण्णत्ता, पंच धणुयाई आयामविक्खंभेणं अड्डाइज्जाईं धणुसयाई बाहल्लेणं सव्वमणिमई०, तीसेणं. मणिपेढियाए उपि सिंहासणं पण्णत्तं सपरिवारं भाणियव्वं, से केणणं भंते ! एवं बुच्चइ-दाहिणड्डूभरहकूडे २ ? गो० ! दाहिणड्डभरहकूडे णं दाहिणभरहे णामं देवे महिडिए जाव पलिओवमट्ठिइए परिवसइ, से णं तत्थ चउन्हें सामाणियसाहस्त्रीणं चन्हं अग्गमहिसीणं सपरिवाराणं तिन्हं परिसाणं सत्तण्हं अणियाणं सत्तण्हं अणिया हिवईणं सोलसण्हं आयरक्खदेवसाहस्सीणं दाहिणभरहकूडस्स दाहिणढाए रायहाणीए असिं च बहूणं देवाण य देवीण य जाव विहरइ ॥ कहि णं भंते !
५४०
ग
