________________
सुत्तागमे
[पण्णवणासुत्तं
तियभंगो। तेउलेसाए पुढविआउवणस्सइकाइयाणं छन्भंगा, सेसाणं जीवाइओ तियभंगो जेसिं अत्थि तेउलेसा, पम्हलेसाए सुक्कलेसाए य जीवाइओ तियभंगो, अलेसा जीवा मणुस्सा सिद्धा य एगत्तेण वि पुहुत्तेण वि नो आहारगा अणाहारगा॥ दारं ४॥ ६५१ ॥ सम्मद्दिट्टी णं भंते ! जीवा किं आहारगा अणाहारगा ? गोयमा ! सिय आहारगा, सिय अणाहारगा। बेइंदिया तेइंदिया चउरिंदिया छब्भंगा, सिद्धा अणाहारगा, अवसेसाणं तियभंगो, मिच्छादिट्ठीसु जीवेगिंदियवज्जो तियभंगो। सम्मामिच्छादिट्ठीणं भंते !० किं आहारए अणाहारए ? गोयमा ! आहारए, नो अणाहारए, एवं एगिंदियविगलिंदियवजं जाव वेमाणिए, एवं पुहुत्तेण वि ॥ दारं ५ ॥ ६५२ ॥ संजए णं भंते ! जीवे किं आहारए अणाहारए ? गोयमा ! सिय आहारए, सिय अणाहारए, एवं मणूसे वि, पुहुत्तेणं तियभंगो। असंजए पुच्छा । सिय आहारए, सिय अणाहारए, पुहुत्तेणं जीवेगिंदियवज्जो तियभंगो, संजयासंजए णं जीवे पंचिंदियतिरिक्खजोणिए मणूसे य ३ एए एगत्तेण वि पुहुत्तेण वि आहारगा नो अणाहारगा, नोसंजए-नोअसंजए-नोसंजयासंजए जीवे सिद्धे य एए एगत्तेण पोहत्तेण वि नो आहारगा अणाहारगा ॥ दारं ६ ॥ ६५३ ॥ सकसाई णं भंते ! जीवे किं आहारए अणाहारए ? गोयमा ! सिय आहारए, सिय अणाहारए, एवं जाव वेमाणिया, पुहुत्तर्ण जीवेगिंदियवज्जो तियभंगो, कोहकसाईसु जीवाईसु एवं चेव, नवरं देवेसु छन्भंगा, माणकसाईसु मायाकसाईसु य देवनेरइएसु छन्भंगा, अवसेसाणं जीवेगिंदियवजो तियभंगो, लोहकसाईसु नेरइएसु छन्भंगा, अवसेसेसु जीवेगिंदियवज्जो तियभंगो, अकसाई जहा णोसण्णीणोअसण्णी ॥ दारं ७ ॥ ६५४ ॥ णाणी जहा सम्मट्टिी। आभिणिबोहियणाणी सुयणाणी य बेइंदियतेइंदियचउरिदिएसु छन्भंगा, अवसेसेसु जीवाइओ तियभंगो जेसिं अस्थि । ओहिणाणी पांचं दियतिरिक्खजोणिया आहारगा, णो अणाहारगा, अवसेसेसु जीवाइओ तियभंगो जेसिं अत्थि ओहिनाणं, मणपज्जवनाणी जीवा मणूसा य एगत्तेण वि पुहुत्तेण वि आहारगा, णो अणाहारगा। केवलनाणी जहा नोसण्णीनोअसण्णी ॥ दारं ८-१॥ अण्णाणी मइअण्णाणी सुयअण्णाणी जीवेगिदियवजो तियभंगो । विभंगणाणी पंचिंदियतिरिक्खजोणिया मणूसा य आहारगा, णो अणाहारगा, अवसेसेसु जीवाइओ तियभंगो ॥ दारं ८-२॥ ६५५॥ सजोगीसु जीवेगिंदियवज्जो तियभंगो। मणजोगी वइजोगी जहा सम्मामिच्छट्ठिी, नवरं वइजोगो विगलिंदियाण वि । कायजोगीसु जीवेगिंदियवज्जो तियभंगो, अजोगी जीवमणूससिद्धा अणाहारगा॥दारं ९॥सागाराणागारोवउत्तेसु जीवेगिंदियवज्जो तियभंगो, सिद्धा अणाहारगा॥ दारं १०॥ सवेयए जीवेगिंदियवजो तियभंगो, इत्थिवेययपुरिस
