________________
५०४
सुता
[ पण्णवणासुतं
वेमाणिए, एवं पुहुत्तेण वि ॥ ६४० ॥ पन्नवणाए भगवईए सत्तावीस मं कम्मवेयवेयपयं समत्तं ॥
सच्चित्ताहारट्ठी केव किं वावि सव्वओ चेव । कइभागं सव्वे खलु परिणामे चैव बोद्धव्वे ॥१॥ एगिंदियसरीराई लोमाहारो तहेव मणभक्खी। एएसिं तु पयाणं विभावणा होइ कायव्वा ॥२॥ नेरइया णं भंते! किं सचित्ताहारा, अचित्ताहारा, मीसाहारा ? गोयमा ! नो सचित्ताहारा, अचित्ताहारा, नो मीसाहारा, एवं असुरकुमारा जाव वैमाणिया । ओरालियसरीरा जाव मणूसा सचित्ताहारा वि अचित्ताहारा वि मीसाहारा वि । नेरइया णं भंते! आहारट्ठी ? हन्ता ! आहारट्ठी । नेरइया णं भंते! केवइकालस्स आहारट्ठे समुप्पज्जइ ? गोयमा ! नेरइयाणं दुविहे आहारे पन्नत्ते । तंजा - आभोगनिव्वत्तिए य अणाभोगनिव्वत्तिए य । तत्थ णं जे से अणाभोगनिव्वत्तिए से णं अणुसमयमविरहिए आहारट्ठे समुप्पज्जइ । तत्थ णं जे से आभोगनिव्वत्तिए से णं असंखिज्जसमइए अंतोमुहुत्तिए आहारट्ठे समुप्पजइ ॥ ६४१ ॥ नेरइया णं भंते! किमाहारमाहारेंति ? गोयमा ! दव्वओ अनंतपए सियाई, खेत्तओ असंखेजपएसो गाढाई, कालओ अण्णयर द्विइयाई, भावओ वण्णमंताइं गंधमंताई रसमंताई फासताई | जाई भंते! भावओ वण्णमंताई आहारेंति ताई किं एगवण्णाई आहारेंति जाव पंचवण्णाई आहारैति ? गोयमा ! ठाणमग्गणं पडुच्च एगवण्णाई पि आहात जाव पंचवण्णाई पि आहारेंति, विहाणमग्गणं पडुच्च कालवण्णाई पि आहारें जाव सुकिल्लाई पि आहारेंति । जाइं० वण्णओ कालवण्णाई आहारेंति ताई किं एगगुणकालाई आहारेंति जाव दसगुणकालाई आहारेंति, संखिज्जगुणकालाईं, असंखिज्जगुणकालाई, अणंतगुणकालाई आहारेंति ? गोयमा ! एगगुणकालाई पि आहा -- रेंति जाव अनंतगुणकालाई पि आहारेंति, एवं जाव सुकिल्लाई पि, एवं गंधओ वि सओ वि । जाई भावओ फासमंताई आहारेंति ताइं नो एगफासाई आहारेंति, नो दुफासाई आहारेंति, नो तिफासाइं आहारेन्ति, चउफासाई पि आहारेन्ति जाव अट्ठफासाई पि आहारेन्ति, विहाणमग्गणं पडुञ्च कक्खडाई पि आहारेन्ति जाव लुक्खाई। जाई. फासओ कक्खडाई आहारेन्ति ताई किं एगगुणकक्खडाई आहारेन्ति जाव अनंतगुणकक्खडाई आहारेन्ति ? गोयमा ! एगगुणकक्खडाई पि आहारेन्ति जाव अनंतगुणकक्खडाई पि आहारेन्ति, एवं अट्ठ वि फासा भाणियव्वा जाव अनंतगुणक्खाई पि आहारेन्ति । जाई भंते ! अनंतगुणलुक्खाई आहारेन्ति ताइं किं पुट्ठाई आहारेन्ति अपुट्ठाई आहारेन्ति ? गोयमा ! पुट्ठाई आहारेन्ति, नो अपुट्ठाई आहारेन्ति, जहा भासुद्देसए जाव णियमा छद्दिसिं आहारेन्ति, ओसण्णं कारणं
