________________
प० २१ ति० वे० सरीरपुच्छा ]
सुगमे
४६९
संमुच्छिमाणं धणुपुहुत्तं, खहयराणं ओहियगब्भवकंतियाणं संमुच्छिमाण य तिह वि उक्कोसेणं धणुपुहुत्तं । इमाओ संग्रहणीगाहाओ — जोयणसहस्सं छग्गाउयाई तत्तो य जोयणसहस्सं । गाउयपुहुत्त भुयए धणुहपुहुत्तं च पक्खीसु ॥ १ ॥ जोयणसहस्सं गाउयपुहुत्त तत्तो य जोयणपुहुत्तं । दोहं तु धणुपुहुत्तं समुच्छि होइ उच्चत्तं ॥ २ ॥ मणूसोरा लियसरीरस्स णं भंते ! केमहालिया सरीरोगाहणा पन्नत्ता ? गोयमा ! जहन्नेणं अंगुलस्स असंखेज्जइभागं, उक्कोसेणं तिण्णि गाउयाई । एवं अपज्जत्ताणं जहन्त्रेण वि उक्कोसेण वि अंगुलस्स असंखेज्जइभागं । संमुच्छिमाणं जहन्नेण वि उक्कोसेण वि अंगुलस्स असंखेजइभागं, गब्भवक्कंतियाणं पज्जत्ताण य जहन्नेणं अंगुलस्स असंखेजइभागं, उक्कोसेणं तिण्णि गाउयाई ॥ ५७१ ॥ वेउव्वियसरीरे णं भंते ! कइविहे पन्नत्ते ? गोयमा ! दुविहे पन्नत्ते । तं जहा - एगिंदियवेउव्वियसरीरे य पंचिंदियवेड व्वियसरीरे य । जइ एगिंदियवेड व्वियसरीरे किं वाउक्काइयएगिंदियवेउव्वियसरीरे, अवाउक्काइयएगिंदियवेड व्वियसरीरे ? गोयमा ! वाउक्काइयएगिंदियवेडव्वियसरीरे, नो अवाउक्काइयएगिंदियवेउव्वियसरीरे । जइ वाउक्काइयएगिंदियवेडव्वियसरीरे किं सुहुमवाउक्काइयएगिंदियवेउव्वियसरीरे, बायरवाउक्काइयएगिंदियवेडव्वियसरीरे ? गोयमा ! नो सुहुमवाउक्काइयएगिंदियवेउव्वियसरीरे, बायरवाउक्काइयएगिंदियवेउव्वियसरीरे । जइ बायरवाउक्काइयएगिंदियवेडव्वियसरीरे किं पज्जत्तबायरवाउक्काइयएगिंदियवेउव्वियसरीरे, अपजत्तबायरवाउक्काइय एगिंदियवेउव्वियसरीरे ? गोयमा ! पज्जत्तबायरवाउक्काइयएगिंदियवेडव्वियसरीरे, नो अपज्जत्तबायरवा उक्वाइयएगिंदियवेउव्वियसरीरे । जइ पंचिंदियवेडव्वियसरीरे किं नेरइयपंचिंदियवेडव्वियसरीरे जाव देवपंचिंदियवेउव्वियसरीरे ? गोयमा ! नेरइयपंचिंदिय वेउव्वियसरीरे वि जाव देवपंचिंदियवेउव्वियसरीरे वि । जइ नेरइयपंचिंदियवेव्वियसरीरे किं रयणप्पभापुढविनेरइयपंचिंदियवेउब्वियसरीरे जाव अहेसत्तमापुढविनेरइयपंचिंदियवेउव्वियसरीरे ? गोयमा ! रयणप्पभापुढविनेरइयपंचिंदियवेव्वियसरीरे वि जाव अहेसत्तमापुढविनेरइयपंचिंदियवेउव्वियसरीरे वि । जइ रयणप्पभापुढविनेरइयपंचिंदियवेउव्वियसरीरे किं पज्जत्तगरयणप्पभापुढविनेरइयपंचिंदियवेउव्वियसरीरे, अपज्जत्तगरयणप्पभापुढविनेरइयपंचिंदिय वेड व्वियसरीरे ? गोयमा ! पज्जत्तगरयणप्पभापुढविनेरइयपंचिंदियवेउव्वियसरीरे, अपज्जत्तगरयणप्पभापुढविनेरइयपंचिंदियवेउव्वियसरीरे, एवं जाव अहेसत्तमाए दुगओ भेओ भाणियव्वो । जइ तिरिक्खजोणियपंचिंदियवेउव्वियसरीरे किं संमुच्छिमतिरिक्खजोणियपंचिंदिय वेडव्वियसरीरे,
